ព័ត៌មានអន្តរជាតិ

អាស៊ែបៃហ្សង់៖  ចំនួនអ្នកស្លាប់ដោយសារការផ្ទុះនិងភ្លើងឆេះស្ថានីយប្រេងឥន្ធនៈនៅតំបន់ណាហ្គ័រណូ-ការ៉ាបាក់ (Nagorno-Karabakh) បានកើនឡើងដល់ ៦៨នាក់ ហើយមនុស្សចំនួន១០៥ នាក់ទៀត បានបាត់ខ្លួន និងជិត ៣០០នាក់ បានរងរបួស បើតាមការិយាល័យនៃមន្ត្រីទទួលពាក្យបណ្តឹងរបស់ពលរដ្ឋនៅតំបន់ការ៉ាបាក់ បាននិយាយកាលពីថ្ងៃអង្គារកន្លងទៅនេះ ។ ការផ្ទុះនេះ បានកើតឡើង នៅពេលដែលជនជាតិអាមេនីរាប់ពាន់នាក់ បានភៀសខ្លួនចេញពីតំបន់បែងចែកនេះ បន្ទាប់ពីយុទ្ធជនរបស់ពួកគេ ត្រូវបានកម្ចាត់ដោយអាស៊ែបៃហ្សង់ នៅក្នុងប្រតិបត្តិការយោធាផ្លេកបន្ទោរមួយ។ អាជ្ញាធរពុំបានផ្តល់ការពន្យល់ណាមួយអំពីមូលហេតុនៃការផ្ទុះនេះទេ។ មុននេះ ប្រព័ន្ធផ្សព្វផ្សាយជាច្រើន បានដកស្រង់សម្តីរដ្ឋមន្ត្រីសុខាភិបាលអាមេនី ដោយនិយាយថា ចំនួនអ្នកស្លាប់ដោយសារឧបទ្ទវហេតុកាលពីថ្ងៃចន្ទ បានកើនឡើងដល់១២៥នាក់ហើយ៕

ឥណ្ឌូណេស៊ី៖ លោក Joko Widodo ប្រធានាធិបតីឥណ្ឌូណេស៊ី បាននិយាយថា ឥណ្ឌូណេស៊ីនឹងចេញច្បាប់ហាមឃាត់មិនឲ្យលក់ទំនិញនៅក្នុងបណ្តាញសង្គម​ទៀតឡើយ ក្នុងគោលបំណងដើម្បីលុបបំបាត់ការគំរាមកំហែងដល់ទីផ្សារក្រៅបណ្តាញ។ លោក Widodo បញ្ជាក់ថា ច្បាប់នៃការធ្វើពាណិជ្ជកម្មផ្សព្វផ្សាយ​លក់​ទំនិញនៅលើបណ្តាញសង្គម អាចនឹងចេញនៅថ្ងៃអង្គារសប្តាហ៍នេះ ។ លោកបន្ថែមថា ប្រជាជនតែរំពឹងទុកលើការរីកចម្រើននៃបច្ចេកវិទ្យាដែលអាចបង្កើតសក្ដានុពលសេដ្ឋកិច្ច ប៉ុន្តែពួកគេក៏រំពឹងទុកដែរថា បច្ចេកវិទ្យានោះក៏មិនសម្លាប់សេដ្ឋកិច្ចដែលមានស្រាប់ដូចគ្នា។ ទន្ទឹមនោះ យោងតាមរយៈ លោក Jerry Sambuaga អនុរដ្ឋមន្ត្រីពាណិជ្ជកម្មឥណ្ឌូណេស៊ី បានឲ្យដឹងថា បច្ចុប្បន្នអ្នកលក់ពាណិជ្ជកម្មអេឡិចត្រូនិច ដោយប្រើការកំណត់តម្លៃទាបនៅលើវេទិកាប្រព័ន្ធផ្សព្វផ្សាយសង្គម កំពុងគំរាមកំហែងទីផ្សារក្រៅបណ្តាញនៅក្នុងប្រទេសឥណ្ឌូណេស៊ី ។ ឃើញថា កាលពីដើមខែនេះ … Read More

ប្រេស៊ីល៖ ប្រធានាធិបតីប្រេស៊ីល លោក Luiz Inacio Lula da Silva កាលពីថ្ងៃចន្ទម្សិលមិញ បានប្រកាសថា វៀតណាម បង្ហាញចំណាប់អារម្មណ៍ខ្លាំងលើការបង្កើតកិច្ចព្រមព្រៀងពាណិជ្ជកម្មជាមួយប្លុកពាណិជ្ជកម្មអាមេរិកខាងត្បូង(Mercosur) ។ នៅទីក្រុង Brasiliaប្រទេសប្រេស៊ីល ការប្រកាសបែបនេះ បានធ្វើឡើងអំឡុងព្រឹត្តការណ៍ ជាទីដែលលោកស្វាគមន៍យ៉ាងកក់ក្តៅនាយករដ្ឋមន្រ្តីវៀតណាមលោក Pham Minh Chinh ។ ស្របពេលដែលបច្ចុប្បន្នប្រេស៊ីលធ្វើជាប្រធាន Mercosur លោក Lula បានធ្វើការសង្កត់ធ្ងន់ពីការប្តេជ្ញាចិត្តរបស់លោកចំពោះការជំរុញទំនាក់ទំនងខ្លាំងក្លាជាងមុនរវាងប្លុក Mercosur ដែលមានប្រទេសប្រេស៊ីល អាហ្សង់ទីន … Read More

កូរ៉េខាងត្បូង ៖ លោក Yoon Suk Yeol ប្រធានាធិបតីកូរ៉េខាងត្បូង បានព្រមានកូរ៉េខាងជើងថា របបរបស់ខ្លួន នឹងត្រូវបញ្ចប់ដោយទីក្រុងសេអ៊ូល និងទីក្រុងវ៉ាស៊ីនតោន ប្រសិនបើប្រទេសនេះ ប្រើប្រាស់អាវុធនុយក្លេអ៊ែរ នៅក្នុងសុន្ទរកថាមួយប្រារព្ធខួបលើកទី៧៥នៃការបង្កើតយោធារបស់ប្រទេសនេះ។ លោកYoon បានសម្តែងការអប់អរដល់សម្ព័ន្ធភាពយូរអង្វែងជាមួយសហរដ្ឋអាមេរិក ដើម្បីប្រារព្ធទិវាកងកម្លាំងប្រដាប់អាវុធ និងកិច្ចព្រមព្រៀង ដែលលោកបានឈានជាមួយប្រធានាធិបតី លោក ចូ បៃដិន ដើម្បីពង្រឹងការពិគ្រោះយោបល់អំពីការដាក់ពង្រាយគ្រឿងយុទ្ធោបករណ៍របស់អាមេរិកទៅកាន់តំបន់នេះ ដើម្បីរារាំងលោក គីម ជុងអ៊ុន ពីការព្យាយាមធ្វើការវាយប្រហារ។ លោក Yoon បាននិយាយកាលពីថ្ងៃចន្ទ ដោយសំដៅដល់ប្រទេសរបស់គាត់តាមឈ្មោះផ្លូវការរបស់ខ្លួនថា … Read More

ភូកេត៖ នាយឧត្តមសេនីយ៍ ដាំរ៉ុនសក្តិ កិតិប្រាប៉ាស អគ្គស្នងការនគរបាលជាតិ បាននិយាយថា ការវាយឆ្មក់ផ្ទះរបស់នាយឧត្តមសេនីយ៍ ស៊ូរ៉ាឆាត គឺ មិនពាក់ព័ន្ធនឹងការជ្រើសរើស អ្នកស្នងតំណែងរបស់លោកនោះទេ។ លោក ដាំរ៉ុងសក្តិ ដែលនឹងចូលនិវត្តន៍នៅចុងខែនេះ បាននិយាយថា លោកទើបតែបាន ឮពីការវាយឆ្មក់ចូលឆែកឆេរផ្ទះឧត្តម ស៊ូរ៉ាឆាត កាលពីព្រឹកនេះប៉ុណ្ណោះ។ លោក​បាន​បន្ថែម​ថា ការ​ឆ្មក់​ចូល​ធ្វើ​ឡើង​បន្ទាប់​ពី​ប៉ូលិស ​ទទួល​បាន​ដីកា​ចាប់​ខ្លួន​ប្រឆាំង​នឹង ​ជន​សង្ស័យ​លេង​ល្បែង​អនឡាញ​មួយ​ចំនួន នេះយោងតាមសារព័ត៌មាន The Nation របស់ថៃចេញផ្សាយកាលពីថ្ងៃទី២៥ ខែកញ្ញា ឆ្នាំ២០២៣ បានឱ្យដឹង។ … Read More