ព័ត៌មានអន្តរជាតិ

ប៉ាគីស្ថាន៖ នាទីក្រុង Lahore ក្នុងបន្ទប់សង្រ្គោះបន្ទាន់ផ្នែកកុមារ ប្រទេសប៉ាគីស្ថាន ក្មេងៗពិបាកដង្ហើមខ្លាំង ឪពុកម្តាយកាន់ឧបករណ៍ស្ពង់ច្រមុះដាក់មុខកូនៗ ដើម្បីបញ្ឈប់ការស្ទះដង្ហើមរបស់ពួកគេ ខណៈដែលក្មេងៗជាច្រើនទៀត ឈររង់ចាំទទួលការព្យាយាល ។ ប្រជាពលរដ្ឋ ១១លាននាក់ បានធ្វើឈ្លក់ផ្សែងអ័ព្ទពុល នៅក្នុងទីក្រុងមានមនុស្សច្រើនបំផុតលំដាប់ទី ២របស់ប៉ាគីស្ថានមួយនេះ អស់រយៈពេលជាច្រើនសប្តាហ៍មកហើយ ស្របពេលដែលអ័ព្ទដ៏ក្រាស់ឃ្មឹកបាំងបិទព្រះអាទិត្យ ហើយនិងគ្របដណ្តប់ដងផ្លូវនៅពេលយប់ ។ អំឡុងរដូវត្រជាក់ កាន់តែធ្ងន់ធ្ងរខ្លាំងចំពោះបញ្ហាខ្យល់កខ្វក់ ពេលដែលសីតុណ្ហភាពធ្លាក់ចុះបានការពារស្រទាបខ្យល់ក្តៅ ធ្វើឲ្យទាក់ធូលី និងបង្កើនកម្រិតខ្យល់កខ្វក់ ។ មិនខុសប្លែកគ្នាពីប្រទេសប៉ាគីស្ថានប៉ុន្មាននោះទេ ប្រជាពលរដ្ឋរស់នៅក្នុងទីក្រុងតេអេរ៉ង់របស់ប្រទេសអ៊ីរ៉ង់ ក៏បាននាំគ្នាត្អូញត្អែពីការកើនឡើងខ្យល់កខ្វក់នោះដែរ ខណៈដែលសាលារៀនត្រូវបានផ្អាកការសិក្សាបណ្តោះអាសន្ន … Read More

ហ្គាហ្សា៖ ក្រុមគ្រូពេទ្យបឋមនៅមន្ទីរពេទ្យ Nasser ស្ថិតក្នុងតំបន់ហ្គាហ្សា កាលពីថ្ងៃសុក្រនេះ បានចូលរួមព្យាបាលជនប៉ាឡេស្ទីនរងរបួស ដែលរួមទាំងអ្នករងរបួសសម្រាកលើកម្រាលឥដ្ឋផងដែរ ។ លោក Gazan Mohamed al-Amouri វ័យ ៤៩ឆ្នាំ ដែលកូនប្រុសរបស់លោករងរបួស អំឡុងពេលលេងតាមផ្លូវ និយាយថា អ្នកជំងឺប្រឡាក់សុទ្ធតែឈាម ត្រូវបានរួសរាន់បញ្ជូនមកកាន់មន្ទីរពេទ្យ បន្ទាប់ពីការវាយប្រហារមកលើគោលដៅជិតព្រះវិហារ ដែលបណ្តាលឲ្យគ្រោះថ្នាក់មនុស្សរាប់សិបនាក់ ។ ក្មេងៗទាំងអស់នេះ យុវជនទាំងអស់នេះ និងស្រ្តីទាំងអស់នេះ នៅឆ្ងាយប្រហែល ៦០០ ឬ៧០០ម៉ែត្រពីព្រះវិហារ តែពួកគេបានគ្រោះថ្នាក់ ក្រោយការវាយប្រហាររបស់អ៊ីស្រាអែល … Read More

រុស្ស៊ី៖ លោក វ្ល៉ាឌីមៀរ ពូទីន ប្រធានាធិបតីរុស្ស៊ី នៅថ្ងៃសុក្រ ទី៨ ខែធ្នូ បានប្រាប់ទាហាន ដែលបានប្រយុទ្ធក្នុងសង្រ្គាមអ៊ុយក្រែនថា លោកនឹងឈរឈ្មោះជាប្រធានាធិបតីម្តងទៀត នៅក្នុងការបោះឆ្នោតឆ្នាំ២០២៤ ជាការសម្រេចមួយ ដែលនឹងអនុញ្ញាតឲ្យអតីតចារកម្មរបស់ KGB បន្តកាន់អំណាចរហូតដល់យ៉ាងហោចណាស់ឆ្នាំ២០៣០ ។ លោក ពូទីន ដែលត្រូវបានប្រគល់តំណែងប្រធានាធិបតី ដោយលោក Boris Yeltsin នៅថ្ងៃចុងក្រោយនៃឆ្នាំ១៩៩៩ បានធ្វើតួនាទីជាប្រធានាធិបតីយូរជាងមេដឹកនាំផ្សេងទៀតរបស់រុស្ស៊ី គិតចាប់តាំងពីលោក Josef Stalin ដោយមានពេលយូរជាងសូម្បីតែរយៈពេលកាន់អំណាច ១៨ឆ្នាំរបស់លោក … Read More

រុស្សី៖ យន្តហោះចម្បាំង F-16 ទៅកាន់អ៊ុយក្រែន គិតត្រឹមថ្ងៃនេះ ប្រទេសលោកខាងលិចចំនួនពីរ គឺរួមមានប្រទេសហូឡង់ និង ប្រទេសដាណឺម៉ាក បានយល់ព្រមផ្ទេរ ។ ជាក់ស្តែង ប្រទេសហូឡង់គ្រោងនឹងបញ្ជូនយន្តហោះចម្បាំងដំបូងទៅកាន់ទីក្រុងគៀវនៅឆ្នាំ២០២៤។ ផែនការរបស់លោកខាងលិចក្នុងការផ្តល់ឱ្យអ៊ុយក្រែននូវយន្តហោះចម្បាំង F-16 អាចត្រូវបានរារាំងដោយមីស៊ីលកម្រិត 40H6 រយៈចម្ងាយឆ្ងាយកម្រិតខ្ពស់នៃប្រព័ន្ធមីស៊ីលការពារដែនអាកាស S-400 នេះយោងតាមសារព័ត៌មាន Sputnik ចេញផ្សាយនៅថ្ងៃទី៧ ខែធ្នូ ឆ្នាំ២០២៣ បានឱ្យដឹង។ ប្រភពដែលអាចទុកចិត្តបានបានប្រាប់ Sputnik ថា មីស៊ីលទាំងនេះបានបង្ហាញពីប្រសិទ្ធភាពរួចហើយក្នុងអំឡុងពេលប្រតិបត្តិការពិសេសរបស់ទីក្រុងម៉ូស្គូ។ ប្រភពបានឱ្យដឹងថា … Read More

ឌូបៃ/រីយ៉ាដ៖ កាលពីថ្ងៃពុធ លោក វ្ល៉ាឌីមៀ ពូទីន ប្រធានាធិបតីរុស្ស៊ី បានទៅបំពេញទស្សនកិច្ចទៅកាន់ ប្រទេសអារ៉ាប់រួម ហៅកាត់ (UAE) និងប្រទេសអារ៉ាប៊ីសាអូឌីត ដើម្បីពិភាក្សាអំពីទំនាក់ទំនង និងបញ្ហាផ្សេងទៀត ដែលវាជាកង្វល់រួម យោងតាមប្រភពពីទីភ្នាក់ងារ Xinhua បានផ្សព្វផ្សាយនៅថ្ងៃទី៧ ខែធ្នូ ឆ្នាំ២០២៣។ នៅក្នុងអំឡុងពេលជំនួបរបស់លោក ពូទីន ជាមួយលោក Sheikh Mohamed bin Zayed Al Nahyan ប្រធានាធិបតី UAE … Read More

បរទេស៖ អ្នកនាំពាក្យរដ្ឋាភិបាលអ៊ីស្រាអែល លោក Eylon Levy បាននិយាយ កាលពីថ្ងៃព្រហស្បតិ៍នេះថា លោកពុំបានដឹងនោះទេ ពីការរកឃើញរបស់ក្រុមអ្នកស៊ើបអង្កេតថា រថក្រោះអ៊ីស្រាអែល បានសម្លាប់អ្នកសារព័ត៌មាន Issam Abdallah របស់ទីភ្នាក់ងារព័ត៌មានរ៉យទ័រ និងធ្វើឲ្យមនុស្ស ៦នាក់ផ្សេងទៀត រងរបួសនៅប្រទេសលីបង់ ប៉ុន្តែលោកបានច្រានចោលថា កម្លាំងអ៊ីស្រាអែល គ្មានគោលដៅលើអ្នកមិនប្រយុទ្ធនោះទេ ។ ពេលសួរពីការរកឃើញនៅក្នុងសេចក្តីរាយការណ៍របស់ទីភ្នាក់ងារព័ត៌មានរ៉យទ័រ ទីភ្នាក់ងារព័ត៌មាន France-Presse ក្រុមលើកលែងទោសអន្តរជាតិ និងក្រុមឃ្លាំមើលសិទ្ធិមនុស្ស លោក Levy និយាយថា ពួកយើងគ្មានគោលដៅលើជនស៊ីវិលនោះទេ … Read More

រុស្ស៊ី៖ ក្មេងស្រីអាយុ ១៤ឆ្នាំម្នាក់ បានបាញ់ប្រហារបណ្ដាលឲ្យសិស្សរួមម្នាក់ស្លាប់ និងកុមារ ៥នាក់ផ្សេងទៀតរងរបួស កាលពីថ្ងៃព្រហស្បតិ៍ ទី៧ ខែធ្នូ នេះ មុនពេលរូបគេធ្វើអត្តឃាត នៅឯសាលារៀនមួយក្នុងទីក្រុង Bryansk របស់ប្រទេសរុស្ស៊ី បើតាមការលើកឡើងពីមន្ត្រី ។ នៅក្នុងសេចក្តីថ្លែងការណ៍ របស់គណៈកម្មាធិការស៊ើបអង្កេតរបស់រុស្ស៊ី បានឲ្យដឹងថា៖ «យោងតាមទិន្នន័យស៊ើបអង្កេតបឋម បានបង្ហាញថា ក្មេងស្រីអាយុ ១៤ឆ្នាំម្នាក់ បានយកកាំភ្លើងខ្យល់មួយដើមទៅសាលារៀន ដែលនាងបានបាញ់ទៅលើមិត្តរួមថ្នាក់របស់នាង» ។ អ្នកស៊ើបអង្កេតកំពុងធ្វើការ នេះយោងលើសេចក្តីថ្លែងការណ៍បានឲ្យដឹងថា ដើម្បីឲ្យប្រាកដលើហេតុផលជំរុញចិត្ត ដែលនាំឲ្យមានការបាញ់ប្រហារនេះ … Read More

អង់គ្លេស៖ លោក Rishi Sunak ជានាយករដ្ឋមន្ត្រីអង់គ្លេស ដែលមានចរិតមិនសូវចុះញ៉ម កាលថ្ងៃព្រហស្បតិ៍ ទី៧ ខែធ្នូ បានអំពាវនាវទៅកាន់គណបក្សអភិរក្សនិយម ដែលកំពុងកាន់អំណាចរបស់លោក ឲ្យរួបរួមគ្នាគាំទ្រផែនការរបស់លោក ក្នុងការបញ្ជូនអ្នកស្វែងរកសិទ្ធិជ្រកកោនទៅកាន់ប្រទេសរ្វ៉ាន់ដា ដោយព្រមានសហសេវិកថា បើសិនបើលោកធ្វើការរឹតបន្តឹងបន្ថែមទៀតនោះ គម្រោងទាំងមូលអាចនឹងដួលរលំ ។ លោក Sunak កំពុងប្រឈមនឹងបញ្ហាដ៏ធំបំផុត ចំពោះការកាន់តំណែងរយៈពេល ១ឆ្នាំរបស់លោក ខណៈដែលលោកព្យាយាមរារាំងសមាជិកសភា ក្រុមស្ដាំនិយមរបស់គណបក្សអភិរក្សនិយម កុំឲ្យមានការបះបោរ ជុំវិញការទាមទាររបស់ពួកគេដែលថា ចក្រភពអង់គ្លេសគួរតែចេញពីសន្ធិសញ្ញាអន្តរជាតិ ដើម្បីកំណត់គោលនយោបាយទេសន្តរប្រវេសន៍ផ្ទាល់ខ្លួន ។ នៅឯវិមាន … Read More

បរទេស៖  លោក Wang Wenbin អ្នកនាំពាក្យក្រសួងការបរទេសចិន បាននិយាយថា បញ្ហាកោះតៃវ៉ាន់ គឺជាកិច្ចការផ្ទៃក្នុង របស់ចិនទាំងស្រុង។ លោកបានសង្កត់ធ្ងន់ថា គន្លឹះនៃស្ថិរភាពនិងសន្តិភាព នៅច្រកសមុទ្រតៃវ៉ាន់ គឺ«គោលការណ៍ចិនតែមួយ» ។ ក្នុងអំឡុងសន្និសីទសារព័ត៌មាន ជាទៀងទាត់កាលពីថ្ងៃចន្ទ មន្ត្រីរូបនេះបានអត្ថាធិប្បាយ លើសេចក្តីថ្លែងការណ៍របស់រដ្ឋមន្ត្រីការបរទេសបារាំង លោកស្រី Catherine Colonna ថា “ភាពស្ងប់ស្ងាត់ និងស្ថិរភាព ត្រូវតែមាននៅក្នុងច្រកសមុទ្រតៃវ៉ាន់ ហើយប្រាកដណាស់ថា ពិភពលោកមិនត្រូវការវិបត្តិថ្មីនោះទេ”  យោងតាមសារព័ត៌មាន RT ចេញផ្សាយឱ្យដឹងកាលពីថ្ងៃទី៥ … Read More