ព័ត៌មានអន្តរជាតិ

បរទេស៖  ព្យុះត្រូពិក Philippeបានបោកបក់ទៅទិសពាយ័ព្យ ឆ្លងកាត់តំបន់ការ៉ាអ៊ីបកាលពីថ្ងៃអង្គារ ស្របពេលដែលពួកគេព្យាករណ៍ពីខ្យល់បក់ខ្លាំង និងភ្លៀងធ្លាក់ខ្លាំងនៅទីក្រុង Anguilla និងកន្លែងផ្សេងទៀតនៃកោះ Leeward នេះបើយោងតាមមជ្ឈមណ្ឌលព្យុះសង្ឃរាជាតិ ដែលមានមូលដ្ឋាននៅសហរដ្ឋអាមេរិក បានលើកឡើង។ CIRA វិទ្យាស្ថានសហប្រតិបត្តិការសម្រាប់ការស្រាវជ្រាវអាកាសធាតុ បានបង្ហោះរូបភាពផ្កាយរណបនៅលើបណ្តាញព័ត៌មានសង្គម X ដែលជាអតីតបណ្តាញព័ត៌មានសង្គម Twitter ឃើញព្យុះ Philippe បោកបក់ដល់ដីគោកនៅប្រជុំកោះស្ថិតនៅតំបន់ការ៉ាអ៊ីបមួយនេះ ។ ការវាយប្រហារដែនដី Guadeloupe ជាមួយភ្លៀងធ្លាក់ខ្លាំង និងទឹកជំនន់ ជាទីដែលក្រុមអាជ្ញាធរ បានពន្យាពេលការបិទទ្វារសាលារៀន ហើយនិងបានព្រមានថា ការបិទរោងចក្រ … Read More

អ៊ីរ៉ង់៖ ការចាប់ផ្តើមសមយុទ្ធយានដ្រូនរួមគ្នាទ្រង់ទ្រាយធំនៅទូទាំងប្រទេស របស់កងទ័ពប្រទេសអ៊ីរ៉ង់ កាលពីថ្ងៃអង្គារ ក្នុងបំណងបង្កើនការត្រៀមប្រយុទ្ធនៃយានដ្រូន UAVs នៅក្នុងស្ថានភាពប្រយុទ្ធពិតប្រាកដ។ យានដ្រូនដែលផលិតក្នុងស្រុកជិត ២០០គ្រឿងរបស់ប្រទេសអ៊ីរ៉ង់ បានធ្វើសមយុទ្ធរយៈពេលពីរថ្ងៃ មកពីកងកម្លាំងទ័ពជើងគោក ទ័ពអាកាស កងទ័ពជើងទឹក និងអង្គភាពការពារដែនអាកាស ដើម្បីវាយតម្លៃសមត្ថភាពប្រយុទ្ធរបស់យានដ្រូន និងបង្កើនការត្រៀមប្រយុទ្ធរបស់កងកម្លាំងប្រដាប់អាវុធ ក្នុងការឆ្លើយតបទៅនឹងការគំរាមកំហែងដ៏មានសក្តានុពល។ នៅថ្ងៃដំបូងនៃសមយុទ្ធនេះ យានដ្រូនល្បាតនិងឈ្លបយកការណ៍របស់កងទ័ព បានធ្វើប្រតិបត្តិការឈ្លបយកការណ៍នៅលើដី សមុទ្រ និងនៅជិតព្រំដែនអាកាស ខណៈគំរូនៃយានដ្រូនវាយប្រហារផ្សេងៗ បានបំផ្លាញគោលដៅដែលបានកំណត់ដោយជោគជ័យ។ ការបញ្ចេញវីដេអូក្នុងអំឡុងពេលធ្វើសមយុទ្ធ ពីអាជ្ញាធរយោធាប្រទេសអ៊ីរ៉ង់ បានបង្ហាញពីការដាក់ពង្រាយយានដ្រូន សម្រាប់ការតាមដាននាវាចម្បាំងសហរដ្ឋអាមេរិក នៅភាគខាងជើងមហាសមុទ្រឥណ្ឌា ។ … Read More

ថៃ៖ អ្នកនាំពាក្យនៃនគរបាលភូមិន្ទថៃ ឧត្តមសេនីយ Archayon Kraithong បានអំពាវនាវដល់សាធារណជន ជៀសវាងការចែករំលែករូបភាព និងវីដេអូឃ្លីប ដែលពាក់ព័ន្ធនឹងឧប្បត្តិហេតុហឹង្សាពាក់ព័ន្ធនឹងអនីតិជន ។  ការស្នើសុំនេះធ្វើឡើងនៅក្នុងព្រឹត្តិការណ៍សោកនាដកម្មកាលពីម្សិលមិញនៅផ្សារទំនើប Siam Paragon កណ្តាលទីក្រុង បាងកក ប្រទេសថៃ។ កាលពីថ្ងៃទី៣ ខែតុលា លោក Archayon បានចូលរួមរំលែកទុក្ខដល់គ្រួសារជនរងគ្រោះដែលបានបាត់បង់ជីវិតនិងអ្នករងរបួស។ លោកក៏បានចេញការដាស់តឿនដល់អ្នកប្រើប្រាស់បណ្ដាញសង្គមអនឡាញកុំឱ្យចែករំលែករូបភាព ឬវីដេអូឃ្លីបដែលទាក់ទងនឹងឧបទ្ទវហេតុនេះ រួមទាំងរូបភាពនៃព្រឹត្តិការណ៍ផ្ទាល់ ក៏ដូចជារូបភាពនៃអ្នកស្លាប់ និងអ្នករបួសផងដែរ។ លោកបានសង្កត់ធ្ងន់លើសារៈសំខាន់នៃការយល់ដឹងពីផលប៉ះពាល់ដែលខ្លឹមសារបែបនេះអាចមានចំពោះគ្រួសារដែលរងផលប៉ះពាល់ នេះបើយោងតាមសារព័ត៌មាន The Nation … Read More

អាមេរិក៖ កាលពីថ្ងៃអង្គារ ទី៣ ខែតុលានេះ ចៅក្រមដែលឃ្លាំមើលការកាត់ក្តី ករណីក្លែងបន្លំរដ្ឋប្បវេណីរបស់លោក Donald Trump បានចេញដីកាបង្គាប់មិនឲ្យផ្សព្វផ្សាយព័ត៌មានជាសាធារណៈ ដោយសន្យាថានឹងដាក់ទណ្ឌកម្មចំពោះការបំពានណាមួយ លើអតីតប្រធានាធិបតីសហរដ្ឋអាមេរិករូបនេះ និងអ្នកផ្សេងទៀតក្នុងសំណុំរឿងនេះក្រោយលោក Trump ប្រើប្រព័ន្ធផ្សព្វផ្សាយសង្គមរិះគន់ក្រឡាបញ្ជីជាន់ខ្ពស់របស់ចៅក្រម។ លោក អាស៊ អេនហ្គ័រ៉ុន (Arthur Engoron) ចៅក្រម នៃតុលាការរដ្ឋញូវយ៉កក្នុងសង្កាត់ Manhattan បានប្រាប់មេធាវីរបស់ លោក Trump និងរដ្ឋអាជ្ញាក្រុងញូវយ៉ក លោកស្រី ឡេទីស្ហា ចេមស៍ (Letitia … Read More

ម៉ាឡេស៊ី៖ ប្រទេសម៉ាឡេស៊ី កំពុងព្យាយាមប្រើប្រាស់បច្ចេកទេសបណ្តុះពពកឱ្យបង្អុលទឹកភ្លៀង ដើម្បីកាត់បន្ថយខ្យល់ពុលនៅលើផ្ទៃអាកាស នេះបើតាមនាយកដ្ឋានបរិស្ថានរបស់ប្រទេសម៉ាឡេស៊ីរាយការណ៍ឱ្យដឹង។ សេចក្តីរាយការណ៍នេះធ្វើឡើងកាលពីយប់ថ្ងៃច័ន្ទ ទី២ ខែតុលា បន្ទាប់ពីគុណភាពខ្យល់នៅក្នុងប្រទេសម៉ាឡេស៊ីមានសភាពមិនល្អប្រសើរ និងកំពុងឈានដល់ការប្រកាសអាសន្ន។ លោក Wan Abdul Latiff Wan Jaffar អគ្គនាយកនៃនាយកដ្ឋានបរិស្ថាន បញ្ជាក់បន្ថែមទៀតថា គុណភាពខ្យល់នៅក្នុងប្រទេសម៉ាឡេស៊ីវិវត្តទៅរកភាពយ៉ាប់យ៉ឺន ក្រោយពីព្រៃរបស់ឥណ្ឌូនេស៊ីត្រូវអណ្តាតភ្លើងឆាបឆេះយ៉ាងសន្ធោរសន្ធៅ និងបង្កជាផ្សែងពុលពាសពេញផ្ទៃអាកាស។ ក៏ប៉ុន្តែ មន្រ្តីឥណ្ឌូនេស៊ីអះអាង និងបដិសេធថា ការឆេះព្រៃនេះមិនបានបង្កជាផ្សែងពុលដូចម៉ាឡេស៊ីបានថានោះឡើយ ពិសេសគេមិនបានប្រទះឃើញមានផ្សែងហុយឆ្លងចូលច្រកព្រំដែនរវាងឥណ្ឌូនេស៊ី និងប្រទេសម៉ាឡេស៊ីនោះទេ។ លោក Wan Abdul … Read More

អ៊ុយក្រែន៖ ការដោះមីនលើចម្ការមីននៅតំបន់ភាគខាងកើត Kharkiv ប្រទេសអ៊ុយក្រែន ដោយមូលនិធិដោះមីនមនុស្សធម៌ ដែលមានចម្ងាយប៉ុន្មានគ.ម ប៉ុណ្ណោះពីព្រំដែនរុស្ស៊ី ស្របពេលដែលក្រុមប្រជាកសិករនៅទូទាំងប្រទេស ចាប់ផ្តើច្រូតស្រូវសាលីរដូវរងាររបស់ពួកគេ ។ មូលនិធិសប្បុរសធម៌ “ដោះមីនអ៊ុយក្រែន” បានប្រើប្រាស់យានដ្រូនកសិកម្មបំពាក់ឧបករណ៍រាវមីន ដើម្បីស្វែងរកមីននៅលើចម្ការមីន ដែលគ្រប់គ្រងដោយក្រុមហ៊ុន Agroinvest ស្ថិតនៅជិតទីក្រុង Derhachi ។ លោក Ievhen Poliachenko គឺជាភូគព្ភវិទូនៅបណ្ឌិតសភាវិទ្យាសាស្រ្តអ៊ុយក្រែន និងជាអ្នកស្ម័គ្រចិត្តដោះមីន និយាយថា ឧបករណ៍រាវមីនរបស់ពួកគេ អាចរកឃើញវត្ថុមានជាតិដែកនៅកន្លះម៉ែត្រក្រោមដី ហើយយានដ្រូននេះ អាចរកឃើញមីនលឿនជាងក្រុមដោះមីនដែលប្រើប្រាស់ឧបករណ៍រាវមីនធម្មតា ។ … Read More

រុស្ស៊ី៖ លោកស៊ើហ្គេ សយហ្គូ រដ្ឋមន្រ្ដីការពារជាតិរុស្ស៊ី បាននិយាយនៅថ្ងៃអង្គារនេះថា យោធារុស្ស៊ី មិនមានផែនការណាមួយក្នុងការជ្រើសរើសទ័ពបន្ថែមឲ្យទៅប្រយុទ្ធនៅក្នុងប្រទេសអ៊ុយក្រែនទេ ខណៈដែលកងទ័ពមានចំនួនគ្រប់គ្រាន់ហើយនោះ។ លោក សយហ្គូ នៅក្នុងអំឡុងពេលកិច្ចប្រជុំតាមប្រព័ន្ធវីដេអូ ជាមួយសមាជិកនៃអគ្គសេនាធិការកងទ័ព បាននិយាយថា នៅក្នុងអគ្គសេនាធិការកងទ័ព គឺមិនមានផែនការណាមួយសក្នុងការកែណ្ឌកងកម្លាំងបន្ថែមទេ។ ជនជាតិរុស្ស៊ីជាង៥ម៉ឺននាក់ បានចុះកិច្ចសន្យាជាមួយក្រសួងការពារជាតិ កាលពីខែកញ្ញាតែមួយប៉ុណ្ណោះ ហើយនិងជាង៣៣៥,០០០នាក់ទៀត បាននចាប់ផ្ដើមបំរើនៅក្នុងអង្គភាពយោធារួចទៅហើយ ចាប់តាំងពីដើមឆ្នាំ២០២៣មកម៉្លេះ បើយោងតាមរដ្ឋមន្រ្ដីការពារជាតិរុស្ស៊ី បានឲ្យដឹង៕  

ថៃ៖ បន្ទាប់ពីមានហេតុការណ៍បាញ់ប្រហារ នៅផ្សារទំនើបស្យាមផារ៉ាហ្គន (Siam Paragon) ក្នុងទីក្រុងបាងកក កាលពីថ្ងៃអង្គារ ទី៣ ខែតុលា នេះ ហើយ នគរបាលថៃ បានចាប់ខ្លួនជនសង្ស័យវ័យ ១៤ឆ្នាំម្នាក់។ សេវាសង្គ្រោះបន្ទាន់បានឲ្យដឹងថា មនុស្ស ៣នាក់ បានស្លាប់ និងយ៉ាងហោចណាស់ ៣នាក់ផ្សេងទៀត រងរបួស។សារព័ត៌មាន Thai PBS បានដកស្រង់សម្តីពីមជ្ឈមណ្ឌលវេជ្ជសាស្ត្រសង្គ្រោះបន្ទាន់ Erawan ដែលបាននិយាយថា មានអ្នករបួសចំនួន ៧នាក់។ នៅមុននេះ មនុស្សរាប់រយនាក់ត្រូវបានគេមើលរត់ភៀសខ្លួនចេញពីផ្សារទំនើបស្យាមផារ៉ាហ្គន … Read More

នៅ​អូស្ត្រាលី​ភាគ​​ខាង​លិច​ តេឡេស្កុប​វិទ្យុ ASKAP ថត​បាន​រូប​ភាព​ដ៏​ស្រស់​ស្អាត​ ស្ដីពី​រចនា​សម្ព័ន្ធ​អវកាស​មួយ​ដែល​មាន​រូប​រាង​ដូច​ភ្នែក​​ធំក្រៃលែង លាត​សន្ធឹង​រហូត​ដល់ 60,000 ឆ្នាំពន្លឺ​។ នេះបើយោង​តាម​ទំព័រ SpacePlace របស់​ណាសា មួយ​ឆ្នាំ​ពន្លឺ​មាន​ចម្ងាយ​​ប្រមាណ​ 9 ទ្រីលាន​ (9,000,000,000,000) គីឡូម៉ែត្រ​។ រចនា​សម្ព័ន្ធ​អវកាស​ចម្លែក​នេះ​គឺជា​ កាឡាក់ស៊ី​ប្រភេទ Polar-ring (បកប្រែក្រៅ​ផ្លូវ​ការ​ថា «កាឡាក់ស៊ី​រង្វង់ចិញ្ចៀន») និង​ត្រូវ​បាន​ដាក់​ឈ្មោះ​ឱ្យ​ថា NCG 4632  យោង​តាម​ការ​ប្រកាស​នៅ​លើ​ទំព័រ Monthly Notices of the Royal … Read More