ព័ត៌មានអន្តរជាតិ

បរទេស ៖ កងទ័ពអ៊ីស្រាអែល បានបញ្ចេញរូបភាពវីដេអូឃ្លីបឃើញការវាយប្រហារតាមច្រកអាកាស ដែលមានគោលដៅលើទីតាំងរបស់ក្រុមហេសប៊ូឡា គឺជាអ្វីមួយ ដែលពួកគេចាត់ទុកថាជាហេដ្ឋារចនាសម្ព័ន្ធភេរវកម្ម កាលថ្ងៃម្សិលមិញ ។ យោធាអ៊ីស្រាអែលបានលើកឡើង នៅក្នុងសេចក្តីថ្លែងការណ៍ជាលាយល័ក្ខអក្សរ ការវាយប្រហារតាមច្រកអាកាសនេះ គឺដើម្បីឆ្លើយតបនឹងការបាញ់ចេញពីលីបង់ ដែលមានគោលដៅលើទីក្រុង Zar’It ស្ថិតនៅភាគខាងជើងអ៊ីស្រាអែល ។ ទោះបីជាយ៉ាងណាក៏ដោយ ទីភ្នាក់ងារព័ត៌មានរ៉យទ័រ ពុំអាចបញ្ជាក់ផ្ទៀងផ្ទាត់លើទីតាំង ឬកាលបរិច្ឆេតដែលវីដេអូមួយនេះ ថតបាននោះទេ ។ ស្របគ្នាផងដែរ ការវាយប្រហារតាមអាកាសយ៉ាងខ្លាំងក្លារបស់អ៊ីស្រាអែល បានវាយលុកលើភាគខាងត្បូងនៃតំបន់ហ្គាហ្សាស្ទ្រីប ដោយបានសម្លាប់ និងបង្ករបួសដល់ប្រជាជនប៉ាឡេស្ទីនរាប់សិបនាក់ រួមទាំងនៅតំបន់ជាច្រើនដែលអ៊ីស្រាអែល បានប្រាប់ប្រជាជនឱ្យស្វែងរកទីជម្រកបណ្ដោះអាសន្ន។ … Read More

ហ្កាហ្សា ៖ មន្ទីរពេទ្យនានា កំពុងដួលរលំដែលក្នុងនោះ មនុស្ស៤៣នាក់ បានស្លាប់តាំងពីព្រឹកថ្ងៃអង្គារបន្ទាប់ពីមានការវាយប្រហារបស់អ៊ីស្រាអែល ក្នុងក្រុងខានយូនីស បើតាមការលើកឡើងពីអ្នកនាំពាក្យក្រសួងសុខាភិបាលតំបន់ហ្កាហ្សា ។ លោក អាស្រាហ្វ អាល់ គូដ្រា (Ashraf al-Qudra) បានបន្ថែមថា មនុស្សជាច្រើននាក់ទៀត កំពុងស្ថិនៅក្រោមកម្ទេចថ្ម នៅឡើយឬកំពុងដេកនៅតាមផ្លូវ ។ លោកបានបន្តថា អ្នករបួសនិងអ្នកជំងឺគឺសម្រាកនៅលើឥដ្ឋ ។ ហើយសេវាសុខាភិបាលជួយសង្រ្គោះជីវិត ក្នុងមន្ទីរពេទ្យភាគខាងត្បូងតំបន់ហ្កាហ្សាស្រ្ទីបក៏មិនមានដែរ ។ ដូច្នេះ មន្ទីរពេទ្យនានា ក្នុងតំបន់ហ្កាហ្សាខាងត្បូង បានដួលរលំទាំងស្រុង ពោលគឺពួកគេមិនអាចដោះស្រាយជាមួយបរិមាណ … Read More

ឥណ្ឌា ៖ យុវជនយ៉ាងហោច ១៣នាក់ ត្រូវបានសម្លាប់ អំឡុងការផ្ទុះអាវុធរវាងជីវពលមិនស្គាល់ ២ក្រុមនៅរដ្ឋ Manipur ប្រទេសឥណ្ឌា កាលពីថ្ងៃចន្ទ រយៈពេល ៧ខែក្រោយការប៉ះទង្គិចគ្នារបស់ក្រុមកុលសម្ព័ន្ធនៅរដ្ឋព្រំដែនមួយនេះ ដែលបានសម្លាប់មនុស្សយ៉ាងហោច ១៨០នាក់ ហើយសាកសពរបស់ពួកគេ ត្រូវបាននាំមកកាន់សាលតម្កល់សពរួចហើយ បើតាមការលើកឡើងពីក្រុមនគរបាលកាលពីថ្ងៃអង្គារកន្លងទៅនេះ ។ ស្ថិតនៅក្នុងស្រុក Tengnoupal ត្រូវបានរកឃើញសាកសពរបស់ពួកគេ ដែលមានរបួសដោយសារគ្រាប់កាំភ្លើង នៅក្នុងភូមិមួយកន្លែង ជាកន្លែងដែលក្រុមមន្រ្តីនិយាយថា មានហេតុការណ៍ផ្ទុះអាវុធកើតឡើង ។ មន្រ្តីនគរបាលជាន់ខ្ពស់មួយរូប និយាយប្រាប់ទីភ្នាក់ងារព័ត៌មានរ៉យទ័រតាមទូរស័ព្ទថា គ្មានអាវុធណាមួយត្រូវបានរកឃើញនៅជិតសាកសពយុវជនទាំង ១៣នាក់នោះឡើយ … Read More

ចិន៖ កប៉ាល់កងទ័ពជើងទឹក អាមេរិកមួយគ្រឿង បានចូលដែនទឹកដោយខុសច្បាប់នៅ Second Thomas Shoal ដែលជាដែនទឹកសមុទ្រចិន ខាងត្បូង ខណៈមានជម្លោះដែលថ្មីៗនេះ បានឃើញការប្រឈមមុខដាក់គ្នា ក្នុងដែនសមុទ្រជាច្រើន នេះយោងតាមយោធាចិនបានលើកឡើងកាលពីថ្ងៃចន្ទ ។ អ្នក​នាំ​ពាក្យ​សម្រាប់​ប្រតិបត្តិការ​ Southern Theater របស់​ប្រទេស​ចិន​បាន​និយាយ ​ក្នុង​សេចក្តីថ្លែងការណ៍​មួយ​ថា​ «​អាមេរិក​បាន​ធ្វើ​ឲ្យ​ខូច​ខាត​យ៉ាង​ធ្ងន់ធ្ងរ​ដល់​សន្តិភាព និង​ស្ថិរភាព​ក្នុង​តំបន់​» ដោយ​បន្ថែម​ថា អាមេរិក​បាន​រំខាន​សមុទ្រ​ចិន​ខាង​ត្បូង និង​រំលោភ​លើ​អធិបតេយ្យភាព​របស់​ចិន នេះយោងតាមសារព័ត៌មាន VOA ចេញផ្សាយនៅថ្ងៃទី៤ ខែធ្នូ ឆ្នាំ២០២៣ បានឱ្យដឹង … Read More

អ៊ីរ៉ង់៖ ក្រសួងការបរទេសអ៊ីរ៉ង់ បានបង្កើតក្រុមការងារពិសេសមួយ ដើម្បីរិះរកមធ្យោបាយ ដើម្បីបញ្ឈប់ការផ្គត់ផ្គង់ ប្រេងឥន្ធនៈដល់អ៊ីស្រាអែល នេះបើយោងតាមការចុះផ្សាយ របស់ទីភ្នាក់ងារសារព័ត៌មានចិនស៊ិនហួ បានស្រង់រាយការណ៍​ពីទីភ្នាក់ងារព័ត៌មានផ្លូវការ IRNA ។ នៅរដ្ឋធានីតេអេរ៉ង់ របស់អ៊ីរ៉ង់ នៅក្នុងកិច្ចប្រជុំដែលធ្វើឡើង ដើម្បីបង្ហាញការគាំទ្រដល់ប៉ាឡេស្ទីន អនុរដ្ឋមន្ត្រីការបរទេសអ៊ីរ៉ង់ ទទួលបន្ទុកកិច្ចការនយោបាយលោក Ali Bagheri Kani បានឲ្យដឹងថា ក្រសួងបានបង្កើតក្រុម ដើម្បីចូលរួមជាមួយក្រុមហ៊ុនផ្គត់ផ្គង់ ប្រេងឥន្ធនៈរបស់អ៊ីស្រាអែល ដើម្បីបញ្ឈប់អ៊ីស្រាអែល ពីការបង្កើនទុនបម្រុងប្រេងឥន្ធនៈរបស់ខ្លួន ។ បន្ទាប់ពីមានការកត់សម្គាល់ របស់មេដឹកនាំកំពូលរបស់អ៊ីរ៉ង់ លោក … Read More

បរទេស៖ តំបន់ព្រំដែនភាគខាងកើតរបស់សហភាពអឺរ៉ុប ចំនួនជនស្វែងរកសិទ្ធិជ្រកកោន ដែលកំពុងទៅដល់ចេះតែកើនឡើង បានកំពុងបង្ខំឲ្យបណ្ដាប្រទេស នៅតំបន់បាល់ទិក ពិចារណាបិទច្រកព្រំដែនជាមួយរុស្ស៊ី ដោយសារតែបារម្ភថា វិមានក្រឹមឡាំង កំពុងប្រើមនុស្សពោពេញ ដោយអស់សង្ឃឹមជាអាវុធ ដើម្បីបង្កើតវិបត្តិជនអន្តោប្រវេសន៍នៅលើទ្វីបនេះ ។ បន្ទាប់ពីប្រទេសហ្វាំងឡង់កាលពីសប្តាហ៍មុន បានបិទច្រកឆ្លងកាត់ទាំងអស់ របស់ខ្លួនជាមួយរុស្ស៊ីរយៈពេល ពីរសប្តាហ៍ ខណៈនេះប្រទេសឡាតវី លីទុយអានី និងអេស្តូនី ព្រួយបារម្ភកាន់តែខ្លាំង បន្ទាប់ពីជនអន្តោប្រវេសន៍គ្មានឯកសារមកពីបណ្ដាប្រទេស ដែលរងគ្រោះដោយវិបត្តិនៅក្នុងតំបន់ញ៉កអាហ្រ្វិក និងអាស៊ី បានចូលទៅក្នុងប្រទេសនៅអឺរ៉ុបខាងកើតមួយនេះ ។ ក្រសួងកិច្ចការផ្ទៃក្នុងឡាតវី បានប្រាប់សារព័ត៌មាន POLITICO ថា … Read More

តៃវ៉ាន់៖ លោកស្រី Tsai Ing-wen ប្រធានាធិបតីតៃវ៉ាន់ បានធើ្វការអំពាវនាវទៅកាន់ពលរដ្ឋតៃវ៉ាន់ ដែលត្រៀមខ្លួនចូលរួមបោះឆ្នោតជ្រើសរើសមេដឹកនាំថ្មីនៅដើមឆ្នាំ ២០២៤ខាងមុខនេះ ឱ្យមើលគំរូដែលបានកើតឡើងនៅហុងកុង និងត្រូវធើ្វការសម្រេចចិត្តដោយមានការទទួលខុសខ្ពស់ ចំពោះជោគវាសនារបស់កោះតៃវ៉ាន់ នៅថ្ងៃអនាគត ខណៈលោកស្រីបានថ្លែងសង្កាត់ធ្ងន់ថា សន្ដិភាពអាចធានាទៅបានជាយូរអង្វែងលុះត្រាតែតៃវ៉ាន់មានភាពរឹងមាំផ្នែកវិស័យយោធា។ សូមបញ្ជាក់ថា កោះតៃវ៉ាន់ត្រៀមរៀបចំការបោះឆ្នោតប្រធានាធិបតី នៅថ្ងៃទី ១៣ ខែមករា ឆ្នាំ២០២៤ នៅស្របពេលប្រទេសចិនបានបន្តការដាក់ពង្រាយយោធា នៅក្បែរតំបន់ដែនកោះតៃវ៉ាន់ ដែលចិនតែងចាត់ទុកថាជាដែនអធិបតេយ្យភាពមួយរបស់ខ្លួន ដើម្បីជាសញ្ញាព្រមាន និងដាក់សម្ពាធទៅដល់រដ្ឋាភិបាលទីក្រុងតៃប៉ិ។ ពាក់ព័ន្ធនឹងស្ថានការណ៍បោះឆ្នោតនៅតៃវ៉ាន់នេះដែរ គណបក្សប្រឆាំងដ៏ធំរបស់កោះតៃវ៉ាន់ គឺគណបក្ស គួមីងតាំង (Kuomintang) … Read More

បរទេស ៖ លោក Nikos Christodoulides  ប្រធានាធិបតីកោះស៊ីប នឹងធ្វើទស្សនកិច្ចនៅអេហ្ស៊ីប និងហ្ស៊កដានី នៅថ្ងៃអង្គារនេះ ជាផ្នែកនៃគំនិតផ្តួចផ្តើមមួយ ដើម្បីបង្កើតច្រករបៀងជំនួយមនុស្សធម៌ ទៅកាន់តំបន់ហ្កាហ្សា ដែលឡោមព័ទ្ធដោយអ៊ីស្រាអែល ។ នៅពេលដែលអរិភាពរវាងអ៊ីស្រាអែល និងក្រុមសកម្មប្រយុទ្ធប៉ាឡេស្ទីនហាម៉ាស បានបញ្ចប់ ប្រទេសកោះស៊ីប ដែលជារដ្ឋសមាជិកសហភាពអឺរ៉ុបជិតបំផុត នៅមជ្ឈឹមបូព៌ា បានយល់ព្រមផ្តល់ទីតាំង និងប្រតិបត្តិការកន្លែងផ្តល់ជំនួយប្រកបដោយនិរន្តរភាពដោយផ្ទាល់ ទៅកាន់តំបន់ហ្កាហ្សាស្ទ្រីប ។ លោក Christodoulides គ្រោងនឹងជួបប្រធានាធិបតីអេហ្ស៊ីប អាប់ឌែល ហា្វតា អាល់ស៊ីស៊ី … Read More

អេស្តូនី ៖ លោក Eve Kalmus ប្រធាននាយកដ្ឋានឆ្មាំល្បាតព្រំដែននៃនគរបាលអេស្តូនី និងក្រុមប្រឹក្សាការពារព្រំដែនថា ប្រទេសអេស្តូនី អាចបិទចំណុចឆ្លងកាត់ព្រំដែនជាមួយរុស្ស៊ី «យ៉ាងលឿន» ដោយសារតែការកើនឡើងគួរឲ្យកត់សម្គាល់នៃចំនួនមនុស្សឆ្លងកាត់ ចាប់តាំងពីហ្វាំងឡង់ បានចាប់ផ្តើមបិទព្រំដែនជាមួយរុស្ស៊ី នេះយោងតាម សារព័ត៌មាន Yle បានឲ្យដឹងកាលពីថ្ងៃទី២ ខែធ្នូ ។ ក្នុងប្រទេសអេស្តូនី ការកើនឡើងនៃចរាចរណ៍ ត្រូវបានកត់ត្រានៅឯប៉ុស្តិ៍ត្រួតពិនិត្យ Narva បន្ទាប់ពីហ្វាំងឡង់បានបិទទាំងស្រុងនូវចំណុចឆ្លងកាត់ព្រំដែនរបស់ខ្លួន ជាមួយប្រទេសរុស្ស៊ី។ មនុស្សប្រហែល ១.០០០នាក់ទៀត បានឆ្លងកាត់ព្រំដែនអេស្តូនី-រុស្ស៊ី នៅមុនពេលប្រទេសហ្វាំងឡង់ ធ្វើការសម្រេចចិត្ត។ ការកើនឡើងនេះ … Read More