ព័ត៌មានអន្តរជាតិ

បរទេស៖ ការវាយប្រហារតាមអាកាសរបស់អ៊ីស្រាអែល បានត្រូវចំទីតាំងឈរឃជើងរបស់ក្រុមសកម្មប្រយុទ្ធនៅតំបន់ហ្គាហ្សា រយៈពេលបីថ្ងៃជាប់គ្នា កាលពីថ្ងៃអាទិត្យ បន្ទាប់ពីពួកសកម្មប្រយុទ្ធប៉ាឡេស្ទីន នៅជិតរបងព្រំដែន បានបាញ់បង្ហោះប៉េងប៉ោងមានឧបករណ៍បង្កចំហេះចូលទៅអ៊ីស្រាអែល ហើយបានគប់គ្រឿងផ្ទុះទៅលើទាហាន បើតាមយោធាអ៊ីស្រាអែល លើកឡើង។ ការវាយប្រហារនេះ បានកើតឡើង បន្ទាប់ពីការវាយឆ្មក់របស់យោធាអ៊ីស្រាអែល នៅភាគខាងជើងតំបន់វេសបែង ដែលមន្ត្រីសុខាភិបាលប៉ាឡេស្ទីន បាននិយាយថា បានសម្លាប់ជនជាតិប៉ាឡេស្ទីនពីរនាក់។ នេះគឺជាការបង្ហូរឈាមចុងក្រោយបំផុត នៅក្នុងការកើនឡើងនៃអំពើហិង្សាក្នុងអំឡុងពេលថ្ងៃឈប់សម្រាកដ៏សប្បាយរីករាយរបស់ជនជាតិជ្វីហ្វ។ ការកើនឡើងនៃអំពើហិង្សា ជាបន្តបន្ទាប់នៅតាមព្រំដែនរវាងអ៊ីស្រាអែល និងតំបន់ហ្គាហ្សាកាលពីសប្តាហ៍មុន បានបង្កើនទិដ្ឋភាពនៃការកើនឡើងភាពតានតឹង ជាលើកដំបូង ចាប់តាំងពីជម្លោះរយៈពេលដ៏ខ្លី កាលពីខែឧសភាឆ្នាំមុន រវាងអ៊ីស្រាអែល និងក្រុមសកម្មប្រយុទ្ធជីហាដឥស្លាមប៉ាឡេស្ទីន។ នេះជាពេលវេលាដ៏លំបាក … Read More

អាឡឺម៉ង់៖ រយៈពេលរហូតដល់ទៅជាង ២សប្តាហ៍ ជាព្រឹត្តការណ៍ជួបជុំពិសារស្រាបៀរប្រចាំឆ្នាំដ៏ធំមួយ ដែលត្រូវបានគេរៀបចំធើ្វឡើងក្នុងទីក្រុង មុយនិច របស់ប្រទេសអាឡឺម៉ង់កាលពីដើមសប្តាហ៍កន្លងទៅ ដោយបានទាក់ទាញក្រុមភ្ញៀវទេសចរឱ្យចូលរួមកម្សាន្តសរុបប្រមាណជា ៣.៤លាននាក់ ។ នៅថ្ងៃទី ៣ ខែតុលាខាងមុខព្រឹត្តការណ៍ជួបជុំគ្នាដ៏ធំនេះនឹងត្រូវបិទបញ្ចប់ ជាពេលវេលាដ៏ពេញនិយមមួយសម្រាប់ក្រុមភ្ញៀវទេសចរមកពីបណ្តាប្រទេសនៅក្នុងតំបន់អឺរ៉ុប និងសហរដ្ឋអាមេរិក ដើម្បីកម្សាន្តជាមួយនឹងការប្រគុំតន្រី ច្រៀងរាំ និងសាកល្បងនូវរស់ជាតិស្រាបៀរផ្សេងៗ។ មានក្រុមភ្ញៀវទេសចរបរទេសជាច្រើននាក់បាននាំគ្នាស្លៀកឈុតសម្លៀកបំពាក់តាមបែបប្រពៃណីរបស់អាឡឺម៉ង់ទាំងបុរសនិងស្រ្តី ដើម្បីបង្ហាញការអបអរសាទរចំពោះឱកាសពិធីបុណ្យទេសកាលស្រាបៀរតាមបែបវប្បធម៌របស់ពលរដ្ឋអាឡឺម៉ង់ដែលមានប្រវត្តិអស់រយៈពេលជាង ២០០ឆ្នាំកន្លងមកហើយ បើតាមការលើកឡើងរបស់អាជ្ញាធរអាឡឺម៉ង់បានឱ្យដឹង។ សូមបញ្ជាក់ដែរថា ពិធីបុណ្យស្រាបៀរប្រចាំឆ្នាំរបស់ពលរដ្ឋអាឡឺម៉ង់ខាងលើនេះ គឺមានប្រវត្តិចេញមកពីព្រឹត្តការណ៍ប្រណាំងសេះមួយក្នុងឱកាសពិធីរៀបចំអាពាហ៍ពិពាហ៍អតីតទាយាទស្តេចអាឡឺម៉ង់ គឺរាជបុត្រ លូវីដ (Ludwig) ជាមួយនិងម្ចាស់ក្សត្រី ថេរីស … Read More

ស៊ុយអែត៖ នៅរដ្ឋធានីស្តុកហូម (Stockholm) ប្រជាពលរដ្ឋស៊ុយអែតជាង ១០០ នាក់បានមកជួបជុំគ្នា កាលពីថ្ងៃសៅរ៍ចុងសប្តាហ៍ ដើម្បីបង្ហាញការតវ៉ាចំពោះការសម្រេចចិត្តរបស់រដ្ឋាភិបាលស៊ុយអែត នៅក្នុងការចូលរួមជាមួយអង្គការណាតូ ដោយក្រុមអ្នកតវ៉ានាំគ្នាប្រឆាំងចំពោះសមាជិកភាពនៅក្នុងអង្គការ និងអំពាវនាវសូមឱ្យមានការបញ្ចប់សង្គ្រាម ។ ផ្ទាំងបដាដែលក្រុមអ្នកតវ៉ានាំគ្នាលើក សរសេរពាក្យថា “ស៊ុយអែតមិនត្រូវការណាតូ សម្រាប់ដោះស្រាយសន្តិភាពនោះទេ ព្រោះតែណាតូ នឹងនាំតែសង្គ្រាមមកឲ្យស៊ុយអែតតែប៉ុណ្ណោះ” អមដោយផ្ទាំងបដាមួយផ្សេងទៀតមានន័យថា “និយាយថាទេចំពោះណាតូ” ។ សកម្មភាពទាំងអស់នេះ ក្រុមអ្នកតវ៉ាបានសម្តែងការប្រឆាំងចំពោះការបោះបង់ចោលនូវអព្យាក្រឹតភាពរបស់ស៊ុយអែតដោយសម្រេចក្លាយជាសមាជិកអង្គការណាតូ ។ ណាដចា អាល់ម៉ាលគី ហ្គុនណាសុន (Nadja Al-Malki Gunnarsson) … Read More

ព្រុចសែល៖  យោងតាមការចេញផ្សាយដោយសារព័ត៌មាន Finacial Times នាថ្ងៃចន្ទ ទី២៥ ខែកញ្ញា ឆ្នាំ២០២៣ មន្ត្រីជាន់ខ្ពស់បំផុតរបស់ទីក្រុងព្រុចសែល បានព្រមាន ថា ទំនាក់ទំនងរវាងចិន និងសហភាពអឺរ៉ុបគឺកំពុង «នៅផ្លូវបំបែក» ហើយភាគីទាំង២ អាចនឹង «បែកចេញពីគ្នា» ដោយសារតែរដ្ឋាភិបាលក្រុងប៉េកាំង គាំទ្ររុស្ស៊ីក្នុងការលុកលុយលើអ៊ុយក្រែន និងច្បាប់ពាណិជ្ជកម្មនៃ «ការរើសអើង»។ លោក Valdis Dombrovskis បានប្រាប់ឲ្យដឹងនៅទីក្រុងប៉េកាំង ថា ប្រទេសចិន ត្រូវតែផ្លាស់ប្តូរវិធីសាស្រ្តរបស់ខ្លួន ឬក៏អាចបាត់បង់ការវិនិយោគ និងពាណិជ្ជកម្មពីសហភាពអឺរ៉ុប។ … Read More

វ៉េណេហ្ស៊ុយអេឡា៖  ក្នុងរដ្ឋអារ៉ាបហ្គួ ( Aragua) រដ្ឋាភិបាលវ៉េណេហ្ស៊ុយអេឡា បានអញ្ជើញអ្នកសារព័ត៌មានឲ្យទៅទស្សនាមជ្ឈមណ្ឌលសម្រាប់អប់រំឧក្រិដ្ឋជនតូកូរ៉ុន (Tocoron Penitentiary Center) កាលពីថ្ងៃសៅរ៍ ប៉ុន្មានថ្ងៃបន្ទាប់ពីកងកម្លាំងសន្តិសុខ បានដណ្តើមយកមកវិញនូវការគ្រប់គ្រងពន្ធនាគារ ដែលបានស្ថិតក្រោមការគ្រប់គ្រងរបស់ក្រុមជនអន្ធពាល អស់រយៈពេលជាច្រើនឆ្នាំ។ ពន្ធនាគារតូកូរ៉ុន ដែលជាពន្ធនាគារដ៏ធំបំផុតមួយនៅក្នុងប្រទេសនេះ ពីមុនស្ថិតនៅក្រោមការគ្រប់គ្រងផ្ទាល់របស់អ្នកទោស ដែលភាគច្រើនជាសមាជិកនៃក្រុមឧក្រិដ្ឋជនឆ្លងដែនដ៏មានឥទ្ធិពល «Tren de Aragua» (Train of Aragua) ដែលដាក់ឈ្មោះតាមរដ្ឋដែលពន្ធនាគារតូកូរ៉ុន ស្ថិតនៅ នេះបើយោងតាមក្រសួងព័ត៌មានរបស់ប្រទេសវ៉េណេហ្ស៊ុយអេឡា។ កងកម្លាំងសន្តិសុខវ៉េណេហ្ស៊ុយអេឡា រួមទាំងកងទ័ព និងឆ្មាំជាតិ … Read More

ឥណ្ឌា៖  ប្រទេសឥណ្ឌា និងកាណាដា បន្ទាប់ពីការប្រឈមមុខដាក់គ្នាខាងការទូតមក មានក្រុមសាសនាមួយក្រុមឈ្មោះថា ក្រុមរណសិរ្សរួបរួមសាសនាហិណ្ឌូ បានធ្វើបាតុកម្មនៅទីក្រុង ញ៉ូវ ដេល្លី (New Delhi) ប្រទេសឥណ្ឌា ប្រឆាំងនឹងនាយករដ្ឋមន្ត្រីកាណាដា លោក Justin Trudeau កាលពីថ្ងៃអាទិត្យ ទី២៤ ខែកញ្ញាកន្លងទៅ។ ភាពតានតឹងរវាងឥណ្ឌា និងកាណាដាបានកើនឡើង បន្ទាប់ពីនាយករដ្ឋមន្រ្តីកាណាដាបាននិយាយកាលពីថ្ងៃចន្ទ ទី១៨ ខែកញ្ញា ថាមាន «ការចោទប្រកាន់គួរឱ្យទុកចិត្ត» ដែលភ្ជាប់ភ្នាក់ងាររដ្ឋាភិបាលឥណ្ឌា ទៅនឹងឃាតកម្មនៅក្នុងប្រទេសកាណាដា កាលពីខែមិថុនា នៃមេដឹកនាំផ្តាច់ខ្លួនសាសនា … Read More

UN៖ ប្រតិបត្តិការរក្សាសន្តិភាពរបស់អង្គការសហប្រជាជាតិ កំពុងប្រឈមមុខនឹងបញ្ហាប្រឈមជាច្រើន ដោយចំណុចសំខាន់បំផុត គឺការបែងចែកក្នុងចំណោមរដ្ឋជាសមាជិក បើតាមប្រមុខរក្សាសន្តិភាពអង្គការសហប្រជាជាតិបានឲ្យដឹង។ អគ្គលេខាធិការរងអង្គការសហប្រជាជាតិទទួលបន្ទុកប្រតិបត្តិការសន្តិភាព លោក Jean-Pierre Lacroix បានប្រាប់អ្នកយកព័ត៌មានក្នុងអំឡុងសន្និសីទសារព័ត៌មានមួយដោយប្រកាសថា “ប្រតិបត្តិការរក្សាសន្តិភាពកំពុងប្រឈមមុខនឹងបញ្ហាជាច្រើន។ បញ្ហាប្រឈមដ៏ធំបំផុតគឺការបែងចែកនៅទូទាំងរដ្ឋជាសមាជិករបស់យើង” ។ វត្តមាន​នៃ​ការ​បែងចែក​នេះ​បង្កើត​នូវ​ទិដ្ឋភាព​នយោបាយ​ប្លែក​ពី​គ្នា ដែល​ប្រតិបត្តិការ​រក្សា​សន្តិភាព​ទទួល​បាន​ការ​គាំទ្រ​ផ្នែក​នយោបាយ​ដែល​ថយ​ចុះ។ លោក Lacroix បន្ថែមថា អ្វីដែលសំខាន់ជាងនេះទៅទៀត វាក៏បណ្តាលឱ្យមានការថយចុះនៃការគាំទ្រ សម្រាប់ដំណើរការនយោបាយ ដែលទាក់ទងនឹងបេសកកម្មនីមួយៗ ហើយពិតណាស់គឺកង្វះការគាំទ្រជាឯកច្ឆ័ន្ទ។ ប្រមុខរក្សាសន្តិភាពអង្គការសហប្រជាជាតិរូបនេះ បានសង្កត់ធ្ងន់ថា “យើងក៏ប្រឈមមុខនឹងបញ្ហាប្រឈមផ្សេងទៀត ដែលកើតចេញពីការវិវត្តនៃជម្លោះ ការគំរាមកំហែងប្រភេទថ្មី ការប្រើប្រាស់ព័ត៌មានមិនពិត … Read More