ឧបនាយករដ្ឋមន្រ្តី នេត សាវឿន៖ វិធានការណ៍បញ្ចប់ការយកកម្រៃក្រៅផ្លូវការពីពលករឆ្លែងដែន
ភ្នំពេញ៖ ឯកឧតម្តម នេត សាវឿន ឧបនាយករដ្ឋមន្ដ្រី និងជាប្រធានគណៈកម្មការចំពោះកិច្ចត្រួតពិនិត្យ និងដោះស្រាយបញ្ហាដំណើរចេញ ចូលរបស់ពលករខ្មែរតាមព្រំដែនកម្ពុជា បានណែនាំសមត្ថកិច្ចតាមព្រំដែនទាំងអស់ លុបបំបាត់បាតុភាពអសកម្មដែលបង្កការលំបាកដល់ពលករខ្មែរ រាល់ពេលធ្វើដំណើរចេញ-ចូល។ ក្នុងកិច្ចប្រជុំគណៈកម្មការ ការណែនាំនេះបានធ្វើឡើងចំពោះកិច្ចជាលើកដំបូង នៅព្រឹកថ្ងៃទី១៨ ខែកញ្ញា ឆ្នាំ២០២៣នេះ។ ថ្លែងទៅកាន់អង្គប្រជុំដែលរួមមានទាំងអភិបាលខេត្តតាមព្រំដែន ឧបនាយករដ្ឋមន្ដ្រី នេត សាវឿន បានសង្កត់ឱ្យចេញការណែនាំ និងតាមដានការអនុវត្តឱ្យបានត្រឹមត្រូវ ធ្វើយ៉ាងណាឱ្យសមត្ថកិច្ចតាមច្រកទ្វារព្រំដែន កែប្រែឥរិយាបថបំពេញការងារ។ ក្នុងនោះឯកឧត្តមបានណែនាំអគ្គនាយកដ្ឋានអន្ដោប្រវេសន៍ និងអភិបាលខេត្តជាប់ព្រំដែន ធ្វើការជាមួយភាគីថៃ ដើម្បីសម្រួលដំណើររបស់ពលករចំណាកស្រុក ព្រោះកន្លងទៅមានការរិះគន់ជាបុគ្គល ពាក់ព័ន្ធការទទួលកម្រៃក្រៅផ្លូវការពីពលករ។ … Read More
