Author: NRP-NEWS

កូរ៉េខាងជើង៖ ប្រព័ន្ធផ្សព្វផ្សាយជប៉ុនបានរាយការណ៍នៅថ្ងៃអង្គារ (១២ កញ្ញា) នេះថា មេដឹកនាំកូរ៉េខាងជើង លោក គីម ជុងអ៊ុន បានទៅដល់ប្រទេសរុស្ស៊ីហើយ សម្រាប់អ្វីដែលវិមានក្រឹមឡាំងបាននិយាយថា នឹងជាការពិភាក្សាដ៏ទូលំទូលាយជាមួយប្រធានាធិបតី វ្លាឌីមៀ ពូទីន ស្របពេលមានការព្រមានពីទីក្រុងវ៉ាស៊ីនតោនថា ពួកគេមិនគួរយល់ព្រមលើកិច្ចព្រមព្រៀងអាវុធនោះទេ៕  

អង់គ្លេស៖ លោក រី​ស៊ី ស៊ូ​ណាក់​ ​(Rishi Sunak) នាយករដ្ឋមន្ត្រី​អង់គ្លេស បានលើកឡើង​អំពី​ការព្រួយបារម្ភ​យ៉ាងខ្លាំង​ចំពោះ​ទីក្រុង​ប៉េកាំង ដែលមាន​ជាប់​ពាក់ព័ន្ធ​ជាមួយនឹង​ការជ្រៀតជ្រែក​នៅក្នុង​សភា​អង់គ្លេស​។ នេះ​ជាការ​រៀបរាប់​ពី​កង្វល់​របស់លោក ស៊ូ​ណាក់​ ទៅកាន់​នាយករដ្ឋមន្ត្រី​ចិន លោក លី ឈាង (Li Qiang)​ នៅក្នុង​កិច្ចប្រជុំ​កំពូល​ G20 នៅ​ប្រទេស​ឥណ្ឌា បន្ទាប់ពី​មានការ​ចាប់ខ្លួន​ចារបុរស​ចិន​ម្នាក់​ដែល​ធ្វើការ​នៅក្នុង​សភា​អង់គ្លេស​។ ​​អ្នកសារព័ត៌មាន​នៅក្នុង​ទីក្រុង​ញូវដែលី (New Delhi) ទទួលបានពី ​លោក ស៊ូ​ណាក់ ​ថា លោក​បាន​សម្តែង​ការព្រួយបារម្ភ​យ៉ាងខ្លាំង​អំពី​ការចូល​ជ្រៀតជ្រែក​លទ្ធិប្រជាធិបតេយ្យ ​នៅក្នុង​សភា​របស់​អង់គ្លេស​ដោយ​លោក​បាន​លើកឡើងថា … Read More

អ៊ីស្រាអ៊ែល៖ នៅក្នុងទីក្រុងសំខាន់ៗនានានៅទូទាំងប្រទេស ពលរដ្ឋអ៊ីស្រាអ៊ែលរាប់ម៉ឺននាក់បាននាំគ្នាប្រមូលផ្តុំការតវ៉ាសារជាថ្មី កាលពីថ្ងៃសៅរ៍កន្លងមកនេះ ដើម្បីបង្ហាញការប្រឆាំងចំពោះផែនការនៃកំណែទម្រង់ប្រព័ន្ធតុលាការរបស់រដ្ឋាភិបាល ខណៈដែលកាលបរិច្ឆេទជុំវិញសេចក្ដីសម្រេចរបស់ស្ថាប័នតុលាការកំពូលកាន់តែខិតជិតចូលមក។ សូមរំលឹកថា ច្បាប់ស្តីពីការសើរើប្រព័ន្ធតុលាការដ៏ចម្រូងចម្រាសរបស់ក្រុមអ្នកនយោបាយស្តាំនិយមនៃរដ្ឋាភិបាលចម្រុះរបស់លោកនាយករដ្ឋមន្រ្តីប៊េនចាមីន ណេតាន់យ៉ាហ៊ូ បានស្នើឡើងដំបូងកាលពីដើមឆ្នាំ ២០២៣ ដោយក្រុមអ្នកវិភាគមើលឃើញថា គឺធើ្វឡើងដើម្បីដកហូតសិទ្ធិអំណាចស្របច្បាប់របស់ស្ថាប័នតុលាការ ដែលតែងតែចេញមុខធើ្វការរារាំងរដ្ឋាភិបាលក្នុងការជ្រើសតាំងក្រុមមន្រ្តីសំខាន់ៗ។ ទោះជាយ៉ាងណា ដោយប្រឈមទៅនឹងសម្ពាធដ៏លើសលប់របស់សាធារណៈជន បានធើ្វឱ្យខ្លឹមសារច្បាប់មួយផ្នែកធំ ត្រូវពន្យាពេលរហូតដល់សព្វថ្ងៃ ទន្ទឹមនឹងក្រុមអ្នកគាំទ្រការអនុម័តច្បាប់ថ្មីបានលើកឡើងថា វានឹងជួយស្តារតុល្យភាពអំណាចរបស់ស្ថាប័នរដ្ឋាភិបាលឡើងវិញ។ ផែនការកំណែទម្រង់ច្បាប់ប្រព័ន្ធតុលាការថ្មីនេះ បានធើ្វឱ្យមានការតវ៉ាទ្រង់ទ្រាយធំពីសំណាក់ក្រុមពលរដ្ឋអ៊ីស្រាអ៊ែលនៅទូទាំងប្រទេសអស់រយៈពេលជាច្រើនសប្តាហ៍ ប៉ុន្តែបាតុកម្មតវ៉ារបស់ក្រុមពលរដ្ឋអ៊ីស្រាអ៊ែល នៅពេលនេះត្រូវបានចាត់ទុកថាជាព្រឹត្តិការណ៍មួយដែលមានសារៈសំខាន់ជាពិសេស នៅស្របពេលស្ថាប័នតុលាការកំពូលរបស់ប្រទេសនេះគ្រោង និងប្រកាសសេចក្តីសម្រេចចិត្តរបស់ខ្លួនពាក់ព័ន្ធនឹងសំណើវិសោធនកម្មច្បាប់នៅថ្ងៃទី១២ ខែកញ្ញានេះ ៕ ប្រភព៖ Reuters

New crisis could hit Korean peninsula, Russia warns. រុស្សី៖ ឧបទ្វីបកូរ៉េ អាចនឹងធ្លាក់ចូលទៅក្នុងវិបត្តិថ្មីមួយក្នុងពេលឆាប់ៗនេះ យោងតាមការព្រមានពីក្រសួងការបរទេសរុស្ស៊ី។ អ្នកការទូតជាន់ខ្ពស់ម្នាក់បានចាត់ទុកការកើនឡើងនៃភាពតានតឹងជាចម្បង នោះគឺការកើនឡើងនៃវត្តមានយោធាអាមេរិកនៅក្នុងតំបន់។ ការចេញផ្សាយលើសារព័ត៌មាន RT នៅថ្ងៃទី១១ ខែកញ្ញា ឆ្នាំ២០២៣ បានឱ្យដឹងថា ថ្លែងទៅកាន់ទីភ្នាក់ងារសារព័ត៌មាន TASS នៅខាងក្រៅវេទិកាសេដ្ឋកិច្ចបូព៌ាក្នុងទីក្រុង Vladivostok កាលពីថ្ងៃចន្ទ លោក Georgy Zinoviev ប្រធាននាយកដ្ឋានអាស៊ីទីមួយរបស់ក្រសួងការបរទេសរុស្ស៊ី បានអះអាងថា … Read More

ថៃ៖ ការប្រកាសទឹកប្រាក់ចំនួន ៥៦០ពាន់លានបាត ស្មើនឹង១៥,៧ពាន់លានដុល្លារ ដើម្បីចែកពលរដ្ឋ ពីនាយករដ្ឋមន្រ្ដីថៃ លោក សេដ្ឋា ថាវីស៊ីន នៅក្នុងកិច្ចប្រឹងប្រែងដើម្បីស្រោចស្រង់សេដ្ឋកិច្ចថៃឡើងវិញ ខណៈដែលលោកបានបង្ហា្ញញពីការចាប់ផ្ដើមបញ្ចប់គោលនយោបាយគណៈរដ្ឋមន្រ្ដីទៅកាន់សភានៅថ្ងៃច័ន្ទនេះ។ ពលរដ្ឋម្នាក់ៗនឹងទទួលបានប្រាក់ចំនួន១ម៉ឺនបាត ស្មើនឹង ២៨២ដុល្លា តាមរយៈកម្មវិធីកាបូបប្រាក់ឌីជីថល ហើយរដ្ឋាភិបារបស់លោកសេដ្ឋា ក៏នឹងធ្វើឲ្យការសងបំណុលធូរស្រាលជាងមុន បញ្ចុះតម្លៃប្រេងសាំង ហើយនិងធ្វើវិសោធនកម្មរដ្ឋធម្មនុញ្ញផងដែរ បើតាមសម្តីលោកនាយករដ្ឋមន្រ្ដី។ ទោះបីជាយ៉ាងណាក៍ដោយ សមាជិកសភា លោកស្រី ស៊ីរីកានីយ៉ា តានសាគុនមកពី គណបក្សប្រឆាំងបោះជំហានទៅមុខ បានលើកឡើងពីមន្ទិលសង្ស័យចំពោះប្រភពមូលនិធិដែលត្រូវចំណាយ។ ការស្រោចស្រង់សេដ្ឋកិច្ចថៃឡើងវិញ នឹងក្លាយជាការងារដ៏ធំបំផុតនៅក្នុងចំណោមការងារធំៗជាច្រើនសម្រាប់លោកសេដ្ឋា ដែលជាអ្នកនយោបាយថ្មី និងបានក្លាយជានាយករដ្ឋមន្រ្ដីកាលពីខែមុនបន្ទាប់ពីភាពមិនច្បាស់លាស់បានអូសបន្លាយក្រោយការរបោះឆ្នោតកាលពីខែឧសភាកន្លងទៅ។ … Read More