ក្រោយថើបមាត់កីឡាការិនីបន្ទាប់ពីឈ្នះពាន World Cup ប្រធានសហព័ន្ធបាល់ទាត់អេស្ប៉ាញនឹងលាលែងពីតំណែង
នេះបើតាមប្រព័ន្ធផ្សព្វផ្សាយជាច្រើនបានរាយការណ៍នៅថ្ងៃព្រហស្បតិ៍ម្សិលមិញ ប្រធានកីឡាបាល់ទាត់អេស្ប៉ាញ លោក Luis Rubiales នឹងលាលែងពីតំណែង បន្ទាប់ពីត្រូវបានថ្កោលទោសយ៉ាងពេញទំហឹងពីពិភពបាល់ទាត់ ចំពោះការថើបមាត់កីឡាការិនីអេស្ប៉ាញ បន្ទាប់ពីអេស្ប៉ាញឈ្នះជើងឯកបាល់ទាត់នារីពិភពលោក។
បើយោងតាមរបាយការណ៍ នៅថ្ងៃសុក្រនេះនៅឯមហាសន្និបាតវិសាមញ្ញនេះ លោក Rubiales អាយុ ៤៦ ឆ្នាំនឹងដាក់សំណើលាលែងពីតំណែងជាប្រធានសហព័ន្ធបាល់ទាត់អេស្ប៉ាញ (RFEF) ។
ក្នុងវគ្គផ្តាច់ព្រ័ត្រនៅទីក្រុងស៊ីដនីកាលពីថ្ងៃអាទិត្យ បន្ទាប់ពីក្រុមអេស្ប៉ាញឈ្នះ ១-០ លើក្រុមអង់គ្លេស លោកRubiales បានឱបខ្សែបម្រើ Jennifer Hermoso និងថើបបបូរមាត់។
រដ្ឋមន្ត្រីអេស្ប៉ាញទទួលបន្ទុកសមភាពលោកស្រី Irene Montero សរសេរលើបណ្តាញសង្គមភ្លាមៗបន្ទាប់ពីរបាយការណ៍នេះបានលេចឡើងថា “ភាពជាស្ត្រីកំពុងផ្លាស់ប្តូរអ្វីៗទាំងអស់” ។
លោក Rubiales ស្ថិតក្រោមសម្ពាធដែលមិនធ្លាប់មានពីមុនមកក្នុងការលាលែងពីតំណែង ជាមួយនឹងការរិះគន់ជាច្រើនដូចជា នាយករដ្ឋមន្ត្រីអេស្ប៉ាញ Pedro Sanchez លីគនារីរបស់អេស្ប៉ាញ និងក្លឹប La Liga បុរសមួយចំនួន ក៏ដូចជាអន្តរជាតិផងដែរ។
លោក Rubiales ក្រោយមកក៏ចេញសុំទោសជាសាធារណៈផងដែរ តែនាយករដ្ឋមន្ត្រីអេស្ប៉ាញថាមិនគ្រប់គ្រាន់នៅឡើយទេ៕