នៅទីក្រុងអ៊ីស្តង់ប៊ុល មនុស្សរាប់រយនាក់ ប្រមូលផ្តុំគ្នា ដើម្បីកាន់ទុក្ខជនជាតិទួគីពីរនាក់ ត្រូវបានសម្លាប់ នៅក្នុងប្រទេសលីបង់
បរទេស៖ ក្នុងទីក្រុងអ៊ីស្តង់ប៊ុល ការប្រមូលផ្តុំគ្នានៅខាងក្រៅវិហារអ៊ីស្លាមមួយ អ្នកកាន់ទុក្ខរាប់រយនាក់ កាលពីថ្ងៃសុក្រ ដើម្បីបង្ហាញពីការសោកចំពោះ ការស្លាប់របស់បុរសទួរគីពីរនាក់ ដែលក្រុមសកម្មប្រយុទ្ធអ៊ីស្លាមហាម៉ាស បាននិយាយថា ត្រូវបានសម្លាប់កាលពីដើមសប្តាហ៍នេះ នៅក្នុងការវាយប្រហាររបស់អ៊ីស្រាអែល លើប្រទេសលីបង់ភាគខាងត្បូង ។
នៅក្នុងការវាយប្រហារកាលពីថ្ងៃអង្គារ មនុស្សសរុបចំនួន៩នាក់ ត្រូវបានសម្លាប់ រួមទាំងអ្នកកាសែតពីរនាក់ ជនស៊ីវិលពីរនាក់ផ្សេងទៀត និងសមាជិកក្រុមហាម៉ាស ៥នាក់ រួមទាំងសមាជិកជាន់ខ្ពស់នៃក្រុមសកម្មប្រយុទ្ធផងដែរ។
ក្រុមហាម៉ាស បាននិយាយថា ជនជាតិទួរគីទាំងពីរនាក់នេះ ស្ថិតនៅក្នុងរថយន្តមួយគ្រឿង ដែលដឹកមនុស្សចំនួន៥នាក់ ដែលបានស្លាប់ទាំងអស់។ អាជ្ញាធរលីបង់ មិនបានធ្វើអត្ថាធិប្បាយអំពីការស្លាប់របស់ជនជាតិទួរគី ឬស្ថានភាពដែលពួកគេមកនៅក្នុងប្រទេសលីបង់ទេ។
មនុស្សប្រហែល ៤០០ នាក់ ដែលភាគច្រើននៃពួកគេ គ្រវីទង់ជាតិហាម៉ាសពណ៌បៃតង និងស បានចូលរួមការអធិស្ឋានបុណ្យសពសម្រាប់បុរសទួរគីពីរនាក់គឺ ឈ្មោះ Seyfullah Bilal Ozturk និងYakup Erdal នៅខាងក្រៅវិហារអ៊ីស្លាម Beyazit ចំកណ្តាលសង្កាត់ប្រវត្តិសាស្ត្ររបស់ទីក្រុងអ៊ីស្តង់ប៊ុល។