ការបន្តសម្រុកចូលព្រំដែនអាមេរិកជាច្រើន នៃជនអន្តោប្រវេសន៍ម៉ិកស៊ិក ខណៈកំពុងស្នើសុំសិទ្ធជ្រកកោន

បរទេស៖ ការបន្តឆ្លងចូលសហរដ្ឋអាមេរិក ពីប្រទេសម៉ិកស៊ិក នៃជនអន្តោប្រវេសន៍ជាច្រើន កាលពីថ្ងៃសៅរ៍ ទី១១ វិច្ឆិកា តាមរយៈច្រកបើកចំហនៃជញ្ជាំងព្រំដែនក្នុងតំបន់ Jacumba រដ្ឋកាលីហ្វ័រនីញ៉ា ។

អស់រយៈពេលជាច្រើនខែមកហើយ ជំរំបណ្តោះអាសន្នមួយបានមើលឃើញជនអន្តោប្រវេសន៍ជាច្រើន ឆ្លងកាត់នៅវាលខ្សាច់ភាគខាងកើតទីក្រុង San Diego ជាទី ដែលពួកគេរង់ចាំដំណើរការអនុញ្ញាត លើសិទ្ធជ្រកកោនដោយក្រុមមន្ត្រីល្បាតព្រំដែន ។

ដោយមានចំនួនដ៏ច្រើនលើសលប់នៃអ្នកស្វែងរកសិទ្ធិជ្រកកោន មកពីជុំវិញពិភពលោក ក្រុមមន្ត្រីព្រំដែនសហរដ្ឋអាមេរិក បានបើកទ្វារច្រកព្រំដែនឲ្យជនអន្តោប្រវេសន៍រាប់ពាន់នាក់ ដើរតាមដងផ្លូវក្នុងទីក្រុង San Diego នៅខែតុលា រួមទាំងមនុស្សប្រហែល ១.៤០០នាក់ នៅទីក្រុងឆ្នេរ Oceanside ផងដែរ។

ក្រុមមន្ត្រីព្រំដែនអាមេរិក បានទទួលជនអន្តោប្រវេសន៍ជាង ២០៤.០០០នាក់ នៅក្នុងទីក្រុង San Diego ក្នុងរយៈពេល ១១ខែរហូតដល់ខែសីហា ដោយកើនឡើងចំនួន ២៧% ធៀបនឹងរយៈពេលដូចគ្នានៃឆ្នាំមុន ។

កំពុងស្វែងរកសិទ្ធិជ្រកកោន ជនអន្តោប្រវេសន៍ទើបមកដល់ថ្មីជាច្រើន ដែលតម្រូវឱ្យពួកគេបញ្ជាក់ថា គេត្រូវការការការពារពីការបៀតបៀននៅក្នុងប្រទេសកំណើតរបស់ពួកគេ។ តុលាការអន្តោប្រវេសន៍សុំសិទ្ធិជ្រកកោនរបស់អាមេរិក បានផ្តល់ញត្តិតិចជាង ១៥% ដល់អ្នកស្នើសុំសិទ្ធិជ្រកកោនទាំងនោះ ៕