ការកាត់ផ្តាច់ជំនួយអាមេរិក នឹងបណ្តាលឲ្យអន្តរាយដល់ទាហានអ៊ុយក្រែន ដូចកាលសង្គ្រាមនៅវៀតណាមខាងត្បូងបើតាមអ្នកជំនាញ

បរទេស៖  ប្រសិនបើអ្នករឹងរុសរបស់គណបក្សសាធារណៈរដ្ឋ ទទួលជោគជ័យ ក្នុងការបញ្ឈប់ជំនួយយោធាសហរដ្ឋអាមេរិក ដែលនឹងធ្វើឲ្យអន្តរាយដល់ប្រតិបត្តិការលើដែនដី និងកាត់បន្ថយសមត្ថភាពរបស់ពួកគេដើម្បីការពារប្រឆាំងការវាយប្រហាររបស់រុស្ស៊ី នេះបើតាមអ្នកជំនាញនិយាយថាកងទ័ពរបស់អ៊ុយក្រែន  នឹងខ្វះគ្រាប់រំសេវនិងយុទ្ធោបករណ៍ខ្លាំងក្នុងពេលឆាប់ៗនេះ ។

សហរដ្ឋអាមេរិកនឹងគាំទ្រទីក្រុងគីវ រយៈពេលយូរអង្វែងដែលខ្លួនអាចធ្វើបាន ហើយទីក្រុងវ៉ាស៊ីនតោន បានប្តេជ្ញាផ្តល់ជំនួយសន្តិសុខជាង៤៣ពាន់លានដុល្លារ ចាប់តាំងពីរុស្ស៊ី ឈ្លានពានអ៊ុយក្រែន កាលពីខែ កុម្ភះ ឆ្នាំ២០២២ ដែលមានជាងពាក់កណ្តាលនៃជំនួយសរុបគឺមកពីម្ចាស់ជំនួយប្រទេសលោកខាងលិចទាំងអស់ យោងតាមមន្ត្រីជាន់ខ្ពស់អាមេរិកបានទទូចដដែលៗ ។ ប៉ុន្តែការជំទាស់របស់គណបក្សសាធារណៈរដ្ឋ ដែលបានដឹកនាំសភា នឹងដកចេញការផ្តល់មូលនិធិថ្មីសម្រាប់ប្រទេសអ៊ុយក្រែនពីសំណើរច្បាប់សម្របសម្រួលថ្មី ដើម្បីបញ្ចៀសការបិទរដ្ឋាភិបាលអាមេរិក ដែលគូសបញ្ជាក់ថា ការគាំទ្ររបស់អាមេរិកដែលបន្តនឹងមិនត្រូវបានធានានោះទេ។

ទីប្រឹក្សាជាន់ខ្ពស់ លោក Mark Cancian នៅមជ្ឈមណ្ឌលសិក្សាយុទ្ធសាស្ត្រ និងអន្តរជាតិ បាននិយាយថាវានឹងធ្វើឲ្យអន្តរាយដល់អ៊ុយក្រែន ប្រសិនបើសហរដ្ឋអាមេរិកបញ្ឈប់ជំនួយ។

លោកបន្តថា យោធាអ៊ុយក្រែន នឹងចុះខ្សោយ ហើយក្រោយមកនឹងដួលរលំ ទោះបីជាខ្លួនអាចបន្តការការពារក៏ដោយ។

សហរដ្ឋអាមេរិក បានផ្គត់ផ្គង់ឃ្លាំងអាវុធដ៏ធំ ដើម្បីជួយទីក្រុងគីវ ប្រយុទ្ធដើម្បីយកទឹកដីមកវិញ ដែលត្រូវបានដណ្តើមយកដោយរុស្ស៊ី មានចាប់ពីគ្រាប់រំសេវអាវុធធុនស្រាល និងជុំកាំភ្លើងធំ រហូតដល់យានយន្ត ជើងទម្របាញ់គ្រាប់រ៉ុក្កែតទំនើប រថក្រោះ និងឧបករណ៍បោសសម្អាតគ្រាប់មីនជាដើម។