Official visit to the Anti-Corruption Unit of the Chinese Communist Party Disciplinary Inspection Commission

ទស្សនកិច្ច​ផ្លូវការនៅអង្គភាពប្រឆាំង​អំពើពុករលួយ របស់គណៈកម្មការអធិការកិច្ចវិន័យបក្សកុម្មុយនីស្តចិន

ភ្នំពេញ៖ កាលពីយប់ថ្ងៃទី១០ ខែកញ្ញា ឆ្នាំ២០២៣នេះ គណៈប្រតិភូនៃគណៈកម្មការអធិការកិច្ចវិន័យ នៃបក្សកុម្មុយនិស្តចិនខេត្តហឺណាន និង​គណៈកម្មការត្រួតពិនិត្យកិច្ចការខេត្តហឺណាន បាន​អញ្ជើញមក​ដល់​ព្រះរាជាណាចក្រកម្ពុជា ដោយទទួលស្វាគមន៍ពីឯកឧត្តម អ៊ន បញ្ហា ឧបការី និងឯកឧត្តម អ៊ូ វិសាល អគ្គនាយក នៃអគ្គនាយកដ្ឋានរដ្ឋបាល និងសន្តិសុខ នៃអ.ប.ព.។ នេះ​ជា​ដំណើរ​ទស្សន​កិច្ច​ផ្លូវកា​រនៅអង្គភាពប្រឆាំងអំពើពុករលួយ ដើម្បីពង្រឹងកិច្ចសហប្រតិបត្តិការ និង​ការ​ផ្លាស់​ប្តូរ​បទ​ពិសោធន៍​គ្នា ក្នុងការប្រយុទ្ធប្រឆាំងអំពើពុករលួយអន្តរជាតិ។

គណៈប្រតិភូមានចំនួន ៦ រូប គឺ៖

១. លោកស្រី Qu Xiaoli សមាជិកគណៈកម្មាធិការអចិន្ត្រៃយ៍ នៃ​គណៈកម្មាធិការ​បក្ស​កុម្មុយ​និស្តចិន​ខេត្ត​ហឺណាន, ជាលេខាធិការ នៃគណៈកម្មការអធិការកិច្ចវិន័យ នៃ​គណៈ​កម្មាធិការ​បក្ស​កុម្មុយ​និស្តចិ​ន​ខេត្តហឺណាន និងជាប្រធានគណៈកម្មការត្រួតពិនិត្យកិច្ចការខេត្តហឺ ណាន ។

២. លោក Wang Junfeng សមាជិកគណៈកម្មាធិការអចិន្ត្រៃយ៍ នៃគណៈកម្មាធិការវិន័យ នៃ​បក្ស​កុម្មុយ​និស្តចិន ខេត្តហឺណា ។

៣. លោក Li Bingbing នាយករងការិយាល័យកិច្ចការបរទេស នៃរដ្ឋបាលខេត្តហឺណាន

៤. លោក Zhang Hao សមាជិក នៃគណៈកម្មាធិការអចិន្ត្រៃយ៍ នៃបក្សកុម្មុយនិស្តចិន ខេត្តស៊ីនជាំង, លេខាធិការ នៃគណៈកម្មការអធិការកិច្ចវិន័យបក្សកុម្មុយនិស្តចិន ក្រុងស៊ីនជាំង។

៥. ប្រធានគណៈកម្មការត្រួតពិនិត្យកិច្ចការក្រុងស៊ីនជាំង

៦. លោកស្រី Kong Jie អ្នកបកប្រែនៅការិយាល័យកិច្ចការបរទេស នៃរដ្ឋបាលខេត្តហឺណាន។

ដំណើរទស្សនកិច្ចរបស់គណៈប្រតិភូ មានរយៈពេល ៣ ថ្ងៃ រាប់ចាប់ពីថ្ងៃទី ១០ ដល់ ១២ កញ្ញា ហើយ​នៅថ្ងៃ​ទី ១១ ខែកញ្ញា នឹងមានជំនួបទ្វេភាគីរវាង អង្គភាពប្រឆាំងអំពើពុករលួយ ដឹកនាំដោយ កិត្តិ​នីតិ​កោស​លបណ្ឌិត ទេសរដ្ឋមន្ត្រី ឱម យ៉ិនទៀង ប្រធានអង្គភាពប្រឆាំងអំពើពុករលួយ និង គណៈ​ប្រតិភូ​ខេត្តហឺណាន ។

នៅពេលរសៀលថ្ងៃដដែល នឹងមានជំនួបការងារជាមួយ អភិបាល​ខេត្ត​សៀមរាប និងប្រធានមន្ទីរដែនដី នគរូបនីយកម្ម សំណង់ខេត្តសៀមរាប រួមទាំង​អញ្ជើញ​ទៅ​ទស្សនា​ប្រាសាទ​អង្គរវត្តផងដែរ៕