សន្តិសុខ និងសង្គម

ភ្នំពេញ៖ ការចុះបង្ក្រាបទីតាំងលួចបើកល្បែងស៊ីសងប្រភេទឆ្នោតវៀតណាមមួយកន្លែង ដោយកម្លាំងគណៈបញ្ជាការឯកភាពខណ្ឌទួលគោកបានឆ្មក់ និងឃាត់ខ្លួនម្ចាស់ទីតាំងម្នាក់ និងដករហូតវត្ថុតាងមួយចំនួន។ ប្រតិបត្តិការនេះធ្វើឡើងនៅវេលាម៉ោង០៤និង២០នាទីល្ងាចថ្ងៃទី០៦ ខែមេសា ឆ្នាំ ២០២៤ ដែលដឹកនាំផ្ទាល់ដោយលោក ជា ពិសី អភិបាលនៃគណៈអភិបាលខណ្ឌទួលគោក បានចុះឆ្មក់បង្ក្រាបទីតាំងល្បែងស៊ីសងមួយកន្លែងដែលស្ថិតនៅផ្ទលេខ២៤ ផ្លូវលេខ២២៦ កែង ផ្លូវ២២៣ ក្រុមទី៤៨ ភូមិ១៣ សង្កាត់ផ្សារដើមគរ ខណ្ឌទួលគោក។ តាមប្រភពព័ត៌មានពីមន្ត្រីអាជ្ញាធរខណ្ឌទួលគោកបានឲ្យដឹងថា ក្រោយទទួលបានព័ត៌មាននិងសេចក្ដីរាយការណ៍ អាជ្ញាធរខណ្ឌទួលគោក បានចាត់កម្លាំងចុះស្រាវជ្រាវរួចក៏បានដាក់កម្លាំងចុះឆ្មក់បង្ក្រាបជាក់ស្ដែងតែម្ដង។ ក្នុងប្រតិបត្តិការនេះ កម្លាំងគណៈបញ្ជាការឯកភាពខណ្ឌ បានឃាត់ខ្លួន ស្ត្រីម្នាក់ ដែលមើលការខុសត្រូវនៅទីតាំងនេះ … Read More

មណ្ឌលគិរី៖​ យុវជនម្នាក់ចេញពីផ្ទះទៅរកឃ្មុំកាលពីថ្ងៃ ទី៣០ខែមីនាឆ្នាំ២០២៤កន្លងមក គិតមកដល់ថ្ងែទី២ខែមេសាឆ្នាំ២០២៤នេះអស់រយៈពេល០៤ថ្ងៃហើយ ដើម្បីស្វែងរកទឹកឃ្មុំលក់ ដោះស្រាយជីវភាពគ្រួសារ។​ ជារៀងរាល់លើកនៃការចេញដំណើរពីផ្ទះទៅរកទឹកឃ្មុំលក់របស់ជនរងគ្រោះរូបនេះ គេតែងឃើញចេញទៅរកឃ្មុំ ហើយបានសម្រាកនៅក្នុងព្រៃ១យប់ឬ២យប់ប៉ុណ្ណោះ។ តែលើកនេះ ដោយសារបាត់ជនរងគ្រោះយូជាងសព្វមួយដង លើសពីថ្ងៃដែលជនរងគ្រោះត្រូវត្រឡប់មកផ្ទះវិញ ក្រុមគ្រួសារបានទៅដាក់ពាក្យបណ្តឹង សមត្ថកិច្ចដើម្បីជួយអន្តរាគមន៍។ សមត្ថកិច្ចបន្ទាប់ពីទទួលពាក្យបណ្ដឹងផ្ទាល់មាត់ពីក្រុមគ្រួសារជនរងគ្រោះ ថា”បាត់ខ្លួនសមាជិកគ្រួសារអស់រយៈពេល០៤ថ្ងៃមកហើយនោះ។ លោក កប ធន់ មេប៉ុស្តិ៍នគបាលរដ្ឋបាលឃុំមេម៉ង់​ ភ្លាមៗនោះលោកបានដឹកកម្លាំងរបស់ខ្លួននិងបានសហការជាមួយកម្លាំងយោធាកងអនុសេនាធំទី២និងកម្លាំងបងប្អូនសហគមន៍សរុបជាង៧០នាក់។ ក្នុងនោះចែកចេញជា០៧ក្រុមដើម្បីរុករកតែម្តង។ បន្ទាប់ពីប្រតិបត្តិការរុករកអស់រយៈពេល៨ម៉ោងគិតត្រឹមរសៀលថ្ងៃទី២មេសា២០២៤ក្រុមការងារក៏បានប្រទះឃើញយុវជនដែលបានបាត់ខ្លួនរូបនោះគៀបនឹងប្រគៀបមែកឈើ លើដើមឈើ ដាច់ខ្យល់ស្លាប់ មានស្ថានភាព ហើមស្អុយយ៉ាងអាណោចអាធ័មបាត់ទៅហើយ។ ហេតុការណ៍នេះបានកើតឡើងត្រង់ចំណុចភ្នំអន្នើញ ដែលស្ថិតក្នុងភូមិពូកេះឃុំមេម៉ង់ស្រុកកែវសីមា ខេត្តមណ្ឌលគិរី។​ … Read More

នាដើមខែមេសា ជារៀងរាល់ឆ្នាំ ប្រទេសចិននឹងទទួលថ្ងៃបុណ្យដ៏សំខាន់មួយគឺបុណ្យ ឆេងម៉េង ។ ជាធម្មតា ថ្ងៃចំនៃបុណ្យ ឆេងម៉េង គឺនៅស្ថិតចន្លោះពីថ្ងៃទី ៤-៦ ខែមេសា ប៉ុន្តែភាគច្រើន គឺថ្ងៃទី ៥ ខែមេសា ។ បច្ចុប្បន្ន បុណ្យ ឆេងម៉េង ត្រូវបានជនជាតិចិន ចាត់ទុកជាថ្ងៃបុណ្យប្រពៃណី ដ៏ធំបំផុតមួយក្នុងចំណោមថ្ងៃបុណ្យប្រពៃណីធំទាំង ៤ ដែលថ្ងៃបុណ្យ ៣ ផ្សេងទៀតរួមមាន បុណ្យចូលឆ្នាំថ្មីប្រពៃណីចិន បុណ្យសែននំចាំង និងបុណ្យសែនព្រះខែ ។ … Read More

សូមរំលឹកថា៖ កម្លាំងជំនាញរបស់មន្ទីរប្រឆាំងគ្រឿងញៀន នៃអគ្គស្នងការដ្ឋាននគរបាលជាតិ នៅរសៀលថ្ងៃទី៥ ខែសីហា ឆ្នាំ២០២៣នេះ បានបញ្ជូនក្រុមឧក្រិដ្ឋជនជួញដូរគ្រឿងញៀនឆ្លងដែន ៦នាក់ និងថ្នាំញៀនជាង ៧៨០គីឡូក្រាម ទៅសាលាដំបូងរាជធានីភ្នំពេញ ដើម្បីចាត់ការតាមច្បាប់។ សូមជម្រាបថា ដោយអនុវត្តតាមបញ្ជារបស់នាយឧត្ដមសេនិយ៍ សន្តិបណ្ឌិត នេត សាវឿន អគ្គស្នងការនគរបាលជាតិ និងនាយឧត្ដមសេនិយ៍ ម៉ក់ ជីតូ អគ្គស្នងការរងទទួលផែនប្រឆាំងបទល្មើសគ្រឿងញៀន ក្រោមការបញ្ជាដឹកនាំផ្ទាល់របស់លោកឧត្ដមសេនីយ៍ឯក ឃឹង សារ៉ាត់ នាយកមន្ទីរប្រឆាំងគ្រឿងញៀន បានបើកប្រតិបត្តិការបង្ក្រាបក្រុមឧក្រិដ្ឋជនចរាចរណ៍គ្រឿងញៀនឆ្លងដែនជាង ៧៨០គីឡូក្រាម ពីតំបន់ត្រីកោណមាសឆ្លងកាត់ឡាវ-កម្ពុជា បន្តចេញទៅកោះតៃវ៉ាន់ … Read More

ភ្នំពេញ÷ ព្រះរាជអាជ្ញាអមសាលាដំបូងរាជធានីភ្នំពេញ បានសម្រេចចោទប្រកាន់ជនសង្ស័យចំនួន ០៣ នាក់ ពីបទ រក្សាទុក ដឹកជញ្ជូន និងជួញដូរដោយខុសច្បាប់នូវសារធាតុញៀន តាមមាត្រា ៤០ នៃច្បាប់ស្ដីពីការត្រួតពិនិត្យគ្រឿងញៀន និងបទល្មើសសម្អាតប្រាក់ តាមមាត្រា ៧១ នៃច្បាប់ ស្ដីពីការត្រួតពិនិត្យគ្រឿងញៀន។ កាលពីថ្ងៃទី ២៧ ខែមីនា ឆ្នាំ ២០២៤ អយ្យការអមសាលាដំបូងរាជធានីភ្នំពេញ បានទទួលករណីសំណុំរឿងព្រហ្មទណ្ឌពីមន្ត្រីនគរបាលប្រឆាំងបទល្មើសគ្រឿងញៀន ដែលបានចុះបង្ក្រាបឃាត់ខ្លួនជនសង្ស័យចំនួន ០៣ នាក់ រកឃើញគ្រឿងញៀនទម្ងន់ប្រមាណ ១៩០ គីឡូក្រាម … Read More

ភ្នំពេញ÷ លោក គួច ចំណាន ប្រធានផ្សារច្បារអំពៅ (ផ្សារលើ) និង លោក សាន់ ប៊ុនណា ប្រធានផ្សារបន្លែច្បារអំពៅ (ផ្សារក្រោម) បានរួមគ្នាចុះទៅធ្វើកិច្ចសន្យាដល់ទីតាំងដែលធ្លាប់ជួលឱ្យអ្នកកត់ឆ្នោតធ្វើអាជីវកម្ម ត្រូវបញ្ឈប់ជាបន្ទាន់ព្រោះខុសនឹងផ្លូវច្បាប់។ ការចុះធ្វើកិច្ចសន្យាដល់ផ្ទះជួលឱ្យអ្នកកត់ឆ្នោតនេះបានធ្វើឡើង នៅថ្ងៃទី២៨ ខែមីនា ដែលមានចំនួន៥ទីតាំង ក្នុងនោះមាន៖ ផ្សារលើចំនួន៣ និងផ្សារក្រោមចំនួន២។ លោក សាន់ ប៊ុនណា បានប្រាប់ឱ្យ កម្ពុជាថ្មី ដឹងថា រាល់ថ្ងៃនេះ ទីតាំងដែលធ្លាប់ជួលឱ្យអ្នកកត់កន្ទុយលេខបានបិទទាំងស្រុងហើយ ប៉ុន្តែថ្ងៃនេះគណៈកម្មការផ្សារទំាង២ … Read More

ភ្នំពេញ៖ បុរសម្នាក់ដែលគេស្គាល់ថាជាគ្រូពេទ្យ ទើបតែទិញរថយន្តកាមរីហាយប្រ៊ីតមួយគ្រឿង បាន២ថ្ងៃ ក៏បើករេចង្កូតទៅបុកបង្គោលភ្លើង បាក់មួយដើមក្រឡាប់ធ្លាក់ចូលក្នុងស្រែ សំណាងល្អមិនបង្កឲ្យមានគ្រោះថ្នាក់ដល់មនុស្ស។ ករណីគ្រោះថ្នាក់ចរាចរណ៍ខាងលើនេះដែរ កើតឡើងនៅតាមបណ្តោយផ្លូវបេតុង ក្នុងភូមិដូង សង្កាត់ស្ពានថ្ម ខណ្ឌដង្កោ នៅវេលាម៉ោង ៨:៣០នាទីយប់ថ្ងៃទី២៧ខែមីនា ឆ្នាំ២០២៤។ ប្រភពពីកន្លែងកើតហេតុបានប្រាប់ឲ្យដឹងថា មុនកើតហេតុគេឃើញរថយន្តមួយគ្រឿងម៉ាក កាមរីហាយប្រ៊ីតពណ៌សមិនចាំផ្លាកលេខ បើកបរដោយបុរសម្នាក់ដែលគេស្គាល់ថា ជាគ្រូពេទ្យ ធ្វើដំណើរតាមតាមបណ្តោយផ្លូវបេតុងទិសដៅពីលិចចមកកើតក្នុងល្បឿនលឿន ខណៈពេលបើកមកដល់ចំនុចកើតហេតុ ក៏បានឈ្ងោកយកទូរសព្ទមកនិយាយ ក៏បានរេចង្កូតមកខាងស្តាំដៃជ្រុលទៅបុកបហ្គោលភ្លើងមួយដើមដ៏ធំ បណ្តាលឲ្យបាក់មួយដើមក្រឡាប់រថយន្តធ្លាក់ចូលទៅក្នុងវាលស្រែ ភ្លាមនោះដែរអ្នកបើកបរក៏បានបើកទ្វារលូនចេញមកក្រៅដោយសុវត្ថិភាព ដោយគ្រាន់តែរងរបួសស្រាលតែប៉ុណ្ណោះ។ ក្រោយកើតហេតុខាងលើសមត្ថកិច្ចមូលដ្ឋាន សហការជាមួយនិងផ្នែកជំនាញចរាចរណ៍ខណ្ឌដង្កោ ចុះមកដល់វាស់វែងធ្វើកំណត់ហេតុរួចស្ទូចយករថយន្តបង្កទៅរក្សាទុក … Read More