ឯកអគ្គរដ្ឋទូតបារាំង ត្រូវបានបណ្តេញចេញដោយ របបយោធានីហ្សេ បញ្ជាឱ្យប៉ូលិស
នីហ្សេ៖ ប្រទេសនីហ្សេត្រូវបានដឹកនាំដោយរបបយោធា បានលុបចោលទិដ្ឋាការរបស់ឯកអគ្គរដ្ឋទូតបារាំង និងបានបញ្ជាឱ្យក្រុមប៉ូលិស បណ្តេញឯកអគ្គរដ្ឋទូតបារាំងចេញ។ វិធានការនេះបានធ្វើឡើងបន្ទាប់ពីពួកយោធា បានបញ្ជាឱ្យអ្នកការទូតរូបនេះ ចាកចេញពីប្រទេសនីហ្សេកាលពីសប្តាហ៍មុន។ លិខិតមួយត្រូវបានចែកចាយនៅលើប្រព័ន្ធផ្សព្វផ្សាយក្នុងស្រុកនីហ្សេ កាលពីថ្ងៃព្រហស្បតិ៍ត្រូវបានគេជឿថា ជាលិខិតបង្គាប់បញ្ជាទៅកាន់ក្រសួងការបរទេសនីហ្សេ ដោយរបបយោធាថា «នីហ្សេត្រូវលុបចោលប័ណ្ណសម្គាល់ការទូត និងទិដ្ឋាការរបស់មនុស្សពាក់ព័ន្ធ រួមទាំងសមាជិកគ្រួសាររបស់អ្នកការទូតទាំងអស់នោះផងដែរ ហើយក្រុមប៉ូលិសត្រូវទទួលបញ្ជា និងអនុវត្តន៍វិធានការបណ្ដេញចេញមួយនេះ»។ ក្រសួងការបរទេសនីហ្សេ កាលពីសប្តាហ៍មុនបានឱ្យដឹងថា របបយោធាបានប្រកាសប្រាប់បេសកជនបារាំង លោក ស៊ីលវ៉េន អ៊ីតេ (Sylvain Itte) ឱ្យចាកចេញពីប្រទេសនីហ្សេ ដោយសារតែលោកបានបដិសេធមិនចូលរួមក្នុងកិច្ចប្រជុំដែលបានគ្រោងទុកជាមួយរដ្ឋមន្ត្រីការបរទេសនីហ្សេ រួមទាំងសកម្មភាពផ្សេងៗទៀតរបស់រដ្ឋាភិបាលបារាំង ដែលនេះគឺជាការប្រឆាំងនឹងផលប្រយោជន៍របស់នីហ្សេ។ កាលពីថ្ងៃព្រហស្បតិ៍ … Read More
