ភាពជោគជ័យ លើផ្កាយរណបអាកាសធាតុ NASA និង SpaceX បានបាញ់បង្ហោះ
ថ្មីៗនេះ ក្រុមហ៊ុនអវកាស SpaceX (អាមេរិក) និងទីភ្នាក់ងារអវកាសអាម៉េរិក (NASA – ណាសា) ក្រោយការពន្យារពេលច្រើនថ្ងៃដោយសារអាកាសធាតុមិនល្អ ក៏បានបាញ់បង្ហោះផ្កាយរណប PACE ទទួលជោគជ័យ។
ផ្កាយរណបឧតុនិយមថ្មីបំផុតរបស់ណាសា ត្រូវបានក្រុមហ៊ុន SpaceX បាញ់បង្ហោះឡើងទៅកាន់គន្លងតារាវិថីផែនដីដោយជោគជ័យ កាលពីថ្ងៃទី០៨ ខែកុម្ភៈ ។ ផ្កាយរណបនេះមានភារកិច្ចតាមដានមហាសមុទ្រ និងបរិយាកាសផែនដី ប្រកបដោយភាពលម្អិតបំផុតមិនធ្លាប់មានពីមុនមក។
រ៉ុក្កែត Falcon 9 របស់ SpaceX នាំ PACE ឡើងទៅកាន់គោលដៅ ។ នៅពេលដំណើរការ PACE នឹងសង្កេតមើល និងជួយគាំទ្រដល់ការស្រាវជ្រាវអំពីការផ្លាស់ប្ដូរ ការប្រែប្រួលរបស់កាបូនឌីអុកស៊ីត រវាងមហាសមុទ្រ និងបរិយាកាស ព្រមទាំងតាមដានគុណភាពខ្យល់ វាយតម្លៃឧតុនិយមផែនដី និងស្ថានភាពមហាសមុទ្រ។
បាញ់បង្ហោះ PACE ឡើងទៅកាន់គន្លងតារាវិថីលើតំបន់ប៉ូល ពី Florida គឺជាបេសកកម្មដំបូងរបស់រដ្ឋាភិបាលអាមេរិក ដែល រាប់ចាប់ពីថ្ងៃទី៣០ ខែវិច្ឆិកា ឆ្នាំ១៩៦០ ។
PACE នឹងចំណាយពេលយ៉ាងតិច 3 ឆ្នាំ នៅក្នុងការសិក្សាស្រាវជ្រាវបរិយាកាស ក៏ដូចជាមហាសមុទ្រ ពីកម្ពស់ 676 គីឡូម៉ែត្រ។ PACE ត្រូវបានរំពឹងថា នឹងជួយកែលម្អសមត្ថភាពព្យាករអំពីបាតុភូតធម្មជាតិអាក្រក់ៗនៅលើផែនដី។ ក្រុមអ្នកវិទ្យាសាស្ត្រទំនងជានឹងចាប់ផ្ដើមទទួលទិន្នន័យពី PACE នៅក្នុងចន្លោះពីមួយទៅពីរខែទៀត៕