សកម្មភាពចលាចលរបស់លោក Trump លោកស្រី នីគីហាលី ព្រមានថាអាមេរិកនឹងមិនអាចរស់បានឡើងសម្រាប់រយៈពេល៤ឆ្នាំឡើយ

អាមេរិក៖  លោកស្រី នីគី ហាលី (Nikki Haley) បេក្ខជនប្រធានាធិបតីមកពីគណបក្សសាធារណរដ្ឋ បានរៀបចំព្រឹត្តិការណ៍ប្រមូលផ្ដុំមួយនៅក្នុងទីក្រុង ឆាឡេស្ទូន(Charleston)នៃរដ្ឋ South Carolina ដែលរដ្ឋកំណើតរបស់លោកស្រីកាលពីថ្ងៃម្សិលមិញ ។

លោកស្រីហាលី បានបន្តសុន្ទរកថា បន្ទាប់ពីត្រូវបានរំខានមួយសន្ទុះដោយសាធារណជនម្នាក់ចេញពីការជួបជុំ ដោយផ្ដោតលើការវាយប្រហារប្រឆាំងនឹងលោក Donald Trump និងលោកប្រធានាធិបតី Joe Biden ដែលក្លាយជាការរិះគន់ចំៗ អំពីវ័យរបស់លោកទាំង២។

លោកស្រី បានថ្លែងថា លោកស្រីនឹងមិនទៅណាទេ គូប្រជែងចុងក្រោយរបស់លោក Trump ដែលបានខឹងសម្បារ ចំពោះអតីតប្រធានាធិបតីរូបនេះ ដោយការច្រានចោលការទម្លាក់ចោលការប្រកួតប្រជែងរបស់លោកស្រី បន្ទាប់ពីជ័យជម្នះរបស់លោកនៅរដ្ឋ អាយអូវ៉ា (Iowa) និងរដ្ឋ ញូវហែមស៊រ ( New Hampshire)បានហុចឱកាសឲ្យលោកកាន់តែណែន លើការតែងតាំងជាបេក្ខភាពនិង ទំនងជាត្រូវបានកំណត់ថារូបលោកនឹងក្លាយជាគូប្រជែងជាថ្មីក្នុងការបោះឆ្នោតសកលជាមួយលោក ប្រធានាធិបតី Joe Biden មកពីគណបក្សប្រជាធិបតេយ្យនៅខែវិច្ឆិកាខាងមុខនេះ។

លោកស្រីហាលី បន្តការវាយប្រហារបន្ថែមទៀតលើអតីតប្រធានាធិបតីរូបនេះ ដោយការព្រមានពីភាពចលាចលដោយសាររូបលោក ក្នុងរយៈពេល៤ឆ្នាំ ហើយថាសហរដ្ឋអាមេរិកនឹងមិនអាចរស់បានទេ ប្រសិនបើលោក Trump ត្រូវបានជាប់ឆ្នោតក្លាយជាប្រធានាធិបតីអាមេរិកនោះ៕