ពលរដ្ឋអ៊ីរ៉ង់មួយចំនួន មានក្តីព្រួយបារម្ភខ្លាំង ស្របពេលមេដឹកនាំរបស់ពួកគេថា អាមេរិកកំពុងគំរាមកំហែង

អាមេរិក៖ រយៈពេលនៃថ្ងៃបន្ទាប់ពីការវាយប្រហារដោយយានដ្រូន នៅហ្ស៊កដានី ពិភពលោក នៅតែរង់ចាំមើលកាលពីថ្ងៃព្រហស្បតិ៍កន្លងមកនេះ បានសម្លាប់ទាហានអាមេរិកបីនាក់ ថាតើសហរដ្ឋអាមេរិកនឹងឆ្លើយតបយ៉ាងណា? លោកប្រធានាធិបតីបៃដិន បានស្តីបន្ទោសការវាយប្រហារលើ «ក្រុមសកម្មប្រយុទ្ធបដិវត្តន៍គាំទ្រដោយអ៊ីរ៉ង់ ដែលប្រតិបត្តិការនៅក្នុងប្រទេសស៊ីរី និងអ៊ីរ៉ាក់ ហើយក្រុមឆ័ត្រមួយហៅថា តស៊ូអ៊ីស្លាមនៅអ៊ីរ៉ាក់ ក្រោយមក បានបង្ហាញខ្លួន ដើម្បីទាមទារការទទួលខុសត្រូវ។

ក្រុមមន្ត្រី បានអះអាងថា លោកបៃដិន បានប្តេជ្ញាថា សហរដ្ឋអាមេរិក នឹងចាប់អ្នកទទួលខុសត្រូវទាំងអស់ ឲ្យទទួលខុសត្រូវ នៅពេលមួយ និងតាមរបៀបដែលយើងជ្រើសរើស ហើយមន្ត្រីអាមេរិកប្រាប់សារព័ត៌មាន CBS News ថា ការវាយប្រហារប្រឆាំងនឹងគោលដៅនៅក្នុងប្រទេសអ៊ីរ៉ាក់ និងស៊ីរី ត្រូវបានអនុម័ត រួមទាំងប្រឆាំងនឹងបុគ្គលិក និងសម្ភារៈរបស់អ៊ីរ៉ង់ នៅក្នុងប្រទេសទាំងនោះ។ ឥឡូវនេះ បញ្ហាគឺត្រង់ថាតើនៅពេលណា?

ប្រតិកម្មរបស់អ៊ីរ៉ង់ ចំពោះការគំរាមគំហែងនៃការសងសឹករបស់អាមេរិកប្រឆាំងនឹងអ្វីដែលរដ្ឋបាលលោក បៃដិនហៅថា ក្រុមតំណាងអ៊ីរ៉ង់ គឺជាការបដិសេធមិនទទួលខុសត្រូវចំពោះការវាយប្រហារលើកងកម្លាំងអាមេរិក ហើយជាការព្រមានថា ការវាយប្រហារណាមួយលើទឹកដីអ៊ីរ៉ង់ ឬបុគ្គលិកនឹងបង្កើនភាពតានតឹងក្នុងតំបន់ដ៏ច្របូកច្របល់ មិនធ្វើឲ្យកងកម្លាំងអាមេរិកមានសុវត្ថិភាព។

មន្ត្រីអ៊ីរ៉ង់ទទូចថា ប្រទេសនេះ មិនមានក្រុមតំណាងទេ ហើយថា ការប្រមូលផ្តុំក្រុមប្រដាប់អាវុធដែលខ្លួនគាំទ្រនៅទូទាំងមជ្ឈិមបូព៌ា ដែលវាហៅថា «អ័ក្សនៃការតស៊ូ» ធ្វើសកម្មភាពដោយឯករាជ្យ។