តំបន់ហ្កាហ្សាជា «ឋាននរក» ជាមួយស្ថានភាពរន្ធត់ចិត្ត

WHO៖ នៅក្នុងការអង្វរសុំចិត្តដល់ស្ថាប័នគ្រប់គ្រងរបស់ស្ថាប័នសុខភាពពិភពលោក ដោយប្រមុខអង្គការសុខភាពពិភពលោក បានអំពាវនាវឱ្យមានបទឈប់បាញ់និង «ដំណោះស្រាយពិតប្រាកដ» ចំពោះជម្លោះអ៊ីស្រាអែល-ប៉ាឡេស្ទីន កាលពីថ្ងៃព្រហស្បតិ៍ ជាកន្លែងដែលលោកបាននិយាយថាស្ថានភាពនៅតំបន់ហ្កាហ្សា ជា «ឋាននរក»។

លោក Tedros Adhanom Ghebreyesus អគ្គនាយកអង្គការសុខភាពពិភពលោក ដែលធ្លាប់ឆ្លងកាត់សង្រ្គាមកាលពីកុមារភាព និងកូនៗដែលបានលាក់ខ្លួនក្នុងលេនដ្ឋានអំឡុងការទម្លាក់គ្រាប់បែក ក្នុងជម្លោះព្រំដែនឆ្នាំ ១៩៩៨ដល់ឆ្នាំ២០០០របស់ប្រទេសអេត្យូពី ជាមួយប្រទេសអេរីទ្រា បានក្លាយជាស្ថានភាពដែលពិពណ៌នាអំពីអារម្មណ៍នៃតំបន់ហ៊ុមព័ទ្ធហ្កាហ្សារងការទម្លាក់គ្រាប់បែក ខណៈមានមនុស្សជាង ២៥.០០០នាក់ ត្រូវបានសម្លាប់។

ក្នុងអំឡុងពេលពិភាក្សាអំពីភាពអាសន្នផ្នែកសុខភាពនៅក្នុងតំបន់ហ៊ុមព័ទ្ធហ្កាហ្សា លោកបានប្រាប់គណៈកម្មការធិការប្រតិបត្តិរបស់អង្គការសុខភាពពិភពលោកថា លោកគិតថា អ្នកទាំងអស់គ្នាបាននិយាយអំពីដំណោះស្រាយរដ្ឋពីរ ដូច្នេះហើយសង្ឃឹមថា សង្រ្គាមនេះនឹងបញ្ចប់ ហើយឈានទៅរកដំណោះស្រាយពិតប្រាកដ។

តំណាងអ៊ីស្រាអែល លោក Waleed Gadban បាននិយាយថា សហគមន៍អន្តរជាតិ បានជ្រើសរើស «មិនខ្វល់ខ្វាយ« អំពីចំណាប់ថ្នូរ ហើយនិយាយថា «ការសម្រេចចិត្តនេះ បង្ហាញពីភាពគ្មានសីលធម៌ធ្ងន់ធ្ងរ៕