ឧក្រិដ្ឋកម្មសង្គ្រាមប្រឆាំងអ៊ីស្រាអែល នគរបាលអង់គ្លេសនឹងវាយតម្លៃ

អង់គ្លេស៖ មន្ត្រីជំនាញនឹងវាយតម្លៃថា តើត្រូវបើកការស៊ើបអង្កេតឧក្រិដ្ឋកម្មសង្គ្រាម នៅក្នុងសង្គ្រាមរបស់អ៊ីស្រាអែលជាមួយក្រុមហាម៉ាសដែរឬទេ បន្ទាប់ពីការបញ្ជូនពីក្រុមតស៊ូមតិសម្រាប់ប៉ាឡេស្ទីន បើយោងតាមនគរបាលអង់គ្លេស បានលើកឡើងកាលពីថ្ងៃអង្គារ ។

នគរបាលក្រុងឡុងដ៍ បានថ្លែងថា ក្រុមឧក្រិដ្ឋកម្មសង្គ្រាមខ្នាតតូចរបស់ខ្លួន ដែលត្រូវបានរៀបចំនៅក្នុងបញ្ជាការប្រឆាំងភេរវកម្មរបស់ខ្លួន នឹងកំណត់ថាតើសកម្មភាពណាមួយបន្ថែមទៀត ឬការស៊ើបអង្កេតជាផ្លូវការ នឹងត្រូវចាប់ផ្តើមឬយ៉ាងណា។

ក្រុម The Met ដែលជាកម្លាំងនគរបាលដ៏ធំបំផុត និងមានធនធានល្អបំផុតរបស់ចក្រភពអង់គ្លេស បានបញ្ជាក់ថា ខ្លួនបានទទួល «ឯកសារ» កាលពីថ្ងៃសុក្រសប្តាហ៍មុនទាក់ទងនឹងការចោទប្រកាន់ដែលទាក់ទងនឹងជម្លោះអ៊ីស្រាអែល និងក្រុមហាម៉ាសដែលកំពុងបន្តនេះ។

អ្នកនាំពាក្យនគរបាល បានថ្លែងថា៖«ព័ត៌មាននៅក្នុងឯកសារ នឹងត្រូវវាយតម្លៃដោយមន្ត្រីជំនាញ ជាផ្នែកនៃការអនុវត្តវិសាលភាពដើម្បីកំណត់ថាតើមានសកម្មភាពបន្ថែម ឬការស៊ើបអង្កេតផ្លូវការណាមួយនឹងត្រូវធ្វើឡើង”។

ខណៈនេះ ពុំមានការស៊ើបអង្កេតដែលមានមូលដ្ឋាននៅចក្រភពអង់គ្លេសលើបញ្ហានេះ ឬបញ្ហាផ្សេងទៀតណាមួយដែលទាក់ទងនឹងជម្លោះពិសេសនេះទេ ។