អ្នកធ្វើដំណើរចូលឆ្នាំថ្មី ប្រឈមការរំខានចុះអ័ព្ទខ្លាំង ដែលអាចកើតមានក្នុងប្រទេសចិន។

ចិន៖ នៅទូទាំងប្រទេសចិន អ្នកឈប់សម្រាកវិស្សមកាលចុងឆ្នាំ កំពុងប្រឈមចំពោះការរំខានការដឹកជញ្ជូន ដែលអាចកើតមាន បន្ទាប់ពីការិយាល័យអាកាសធាតុកាលពីថ្ងៃសុក្រ បានព្រមានថា ការចុះអ័ព្ទនឹងផ្សែងអ័ព្ទខ្លាំង និងគ្របដណ្តប់តំបន់នានាពីខេត្ត Hebei ភាគខាងជើង រហូតដល់ទីក្រុងសៀងហៃ ភាគខាងត្បូងក្នុងរយៈពេល ២៤ ម៉ោងបន្ទាប់នេះ។

ក្រុមតាមដានឧតុនិយមកណ្តាល បានចេញការព្រមានពណ៌ក្រហមលើកដំបូងរបស់ខ្លួន សម្រាប់ការចុះអ័ព្ទចាប់តាំងពីឆ្នាំ ២០១៧មក ។ ស្ថានភាព ត្រូវបានគេរំពឹងថានឹងប្រសើរឡើងចាប់ពីល្ងាចថ្ងៃម្សិលមិញ នៅពេលដែលរលកខ្យល់ត្រជាក់ ត្រូវបានគេរំពឹងថានឹងបក់បោកហួសប្រទេសនេះ។

កម្មវិធីតាមដាន Flight Master បានបង្ហាញថា ជើងហោះហើរជាង៦០០ ត្រូវបានពន្យារពេល នៅក្នុងទីក្រុងជាច្រើន ។ មជ្ឈមណ្ឌលឧតុនិយមជាតិបាននិយាយថា ផ្សែងអ័ព្ទខ្លាំងត្រូវបានគេរំពឹងទុកនៅផ្នែកមួយចំនួននៃខេត្ត Hebeiភាគខាងជើង ខេត្តHenanភាគខាងកណ្តាល ខេត្តAnhuiភាគខាងកើត ខេត្តJiangsu ខេត្តZhejiang និងខេត្តសានទុង(Shandong) ព្រមទាំងនៅទីក្រុង Shanghai និងក្រុង Chongqing ។

ការិយាល័យព្យាករណ៍បាននិយាយថា អាកាសធាតុមិនអំណោយផលខ្លាំង គឺដោយសារតែសំណើមខ្ពស់ និងលក្ខខណ្ឌនៃការសាយភាយបរិយាកាសមិនល្អ៕