ចិនថា ឯករាជ្យរបស់កោះតៃវ៉ាន់ មានន័យស្មើនឹងសង្គ្រាមសម្រាប់ចិន
ចិន ៖ លោក Chen Binhua អ្នកនាំពាក្យរដ្ឋាភិបាល បានព្រមានកាលពីថ្ងៃអង្គារថា ប្រទេសចិនមានឆន្ទៈក្នុងការអនុញ្ញាតឱ្យចន្លោះទំនេរច្រើន សម្រាប់ការបង្រួបបង្រួមដោយសន្តិវិធីជាមួយតៃវ៉ាន់ ប៉ុន្តែនឹងមិនអត់ឱនចំពោះសកម្មភាពបំបែកខ្លួនឡើយ ។
មន្ត្រីរូបនេះ កំពុងឆ្លើយតបនឹងការអត្ថាធិប្បាយរបស់អ្នកនយោបាយគាំទ្រឯករាជ្យកោះតៃវ៉ាន់ នៅមុនការបោះឆ្នោតជ្រើសរើស ប្រធានាធិបតីនៅលើកោះ ដែលគ្រប់គ្រងដោយខ្លួនឯង បើយោងតាមការដកស្រង់ព័ត៌មានឲ្យដឹងដោយកាសែតរុស្សី RT ។
លោក Lai Ching-te និងលោកស្រី Hsiao Bi-khim ទាំងពីរនាក់មកពីគណបក្សវឌ្ឍនភាពប្រជាធិបតេយ្យ ដែលកំពុងកាន់អំណាច របស់កោះតៃវ៉ាន់នាពេលថ្មីៗនេះបានអះអាងថា កោះនេះនៅតែបន្តរងការគំរាមកំហែងដោយការវាយប្រហារពីចិន ដីគោកនៅឡើយ ដោយយោងតាមរបាយការណ៍ប្រព័ន្ធផ្សព្វផ្សាយ ។
Lai ដែលតែងខ្លួនជាកម្មករដើម្បីឯករាជ្យភាព នៅកោះតៃវ៉ាន់កំពុងធ្វើយុទ្ធនាការសម្រាប់តំណែង ក្នុងការបោះឆ្នោតប្រធានាធិបតីកាលពីខែមករា ហើយបានជ្រើសរើសលោកស្រី Hsiao អតីតបេសកជនប្រចាំ សហរដ្ឋអាមេរិក ជាមិត្តរួមដំណែងរបស់គាត់ ។
លោក Chen បានថ្លែងខណៈដែលលោកបានថ្កោលទោស លោក Lai និង Hsiao ថាជាអ្នកបំបែកខ្លួនថា «ខ្ញុំចង់បញ្ជាក់ថាឯករាជ្យនៅកោះតៃវ៉ាន់គឺនឹងមានន័យថាជាសង្គ្រាម»៕