ប្រមុខដឹកនាំ UN ចោទកងកម្លាំងអ៊ីស្រាអែល បានវាយប្រហារមកលើកងល្បាត របស់ក្រុមរក្សាសន្តិភាព។
បរទេស ៖ នៅក្នុងប្រទេសលីបង់ កងកម្លាំងបណ្តោះអាសន្នរបស់អង្គការសហប្រជាជាតិ បានចោទប្រកាន់ទៅលើយោធាអ៊ីស្រាអែលថា បានវាយប្រហារការល្បាតរក្សាសន្តិភាព កាលពីថ្ងៃសៅរ៍ក្នុងអំឡុងពេល បទឈប់បាញ់បណ្តោះអាសន្នរវាងអ៊ីស្រាអែល និងក្រុមហាម៉ាស។
ឧប្បត្តិហេតុនេះត្រូវបានចោទប្រកាន់ថា បានកើតឡើងនៅម៉ោងប្រហែលពាក់កណ្តាលថ្ងៃត្រង់ នៅជិតភូមិ Aytaroun ក្នុងប្រទេសលីបង់ ជាប់ព្រំដែនជាមួយប្រទេសអ៊ីស្រាអែល និងចម្ងាយ ១២៥ គីឡូម៉ែត្រពីរដ្ឋធានី Beirut ប្រទេសលីបង់។ យោងតាម UNIFIL វាគឺ “កំឡុងពេលនៃភាពស្ងប់ស្ងាត់តាមខ្សែបន្ទាត់ពណ៌ខៀវ” បើយោងតាមសារព័ត៌មាន RT បានចេញផ្សាយឱ្យដឹងកាលពីថ្ងៃទី២៦ ខែវិច្ឆិកា ឆ្នាំ២០២៣ ។
នៅក្នុងសេចក្តីថ្លែងការណ៍មួយនៅលើទំព័រ X របស់ពួកគេថា កងរក្សាសន្តិភាពអង្គការសហប្រជាជាតិ បាននិយាយ “ថ្ងៃនេះនៅម៉ោងប្រហែល ១២ យប់ ការល្បាតរបស់ UNIFIL ត្រូវបានរងការវាយប្រហារដោយការបាញ់ប្រហារដោយកាំភ្លើងរបស់កងកម្លាំងការពារអ៊ីស្រាអែល (IDF) នៅតំបន់ជុំវិញ Aytaroun ភាគខាងត្បូងប្រទេសលីបង់” ។ ការផ្លោងបានបណ្តាលឱ្យខូចខាតរថយន្តរបស់ពួកគេ ។
ចាប់តាំងពីការចាប់ផ្តើមនៃសង្គ្រាមអ៊ីស្រាអែល-ក្រុមហាម៉ាស់ក្នុងខែតុលា ព្រំដែនអ៊ីស្រាអែល-លីបង់ត្រូវបានគេមើលឃើញថា មានការផ្លាស់ប្តូរការបាញ់ប្រហារជាញឹកញាប់ ភាគច្រើនរវាង IDF និងក្រុមសកម្មប្រយុទ្ធលីបង់ Hezbollah ។
ការបាញ់ប្រហារឆ្លងព្រំដែនបានសម្លាប់មនុស្ស ១០៩ នាក់នៅក្នុងប្រទេសលីបង់ ដែលក្នុងនោះមានអ្នកប្រយុទ្ធហេសបូឡា ៧៧ នាក់ និងជនស៊ីវិល ១៤ នាក់ ក្នុងនោះ ៣នាក់ជាអ្នកកាសែត នេះយោងតាមទីភ្នាក់ងារសារព័ត៌មាន AFP ៕