ការចូលរួមការតវ៉ា ពីមនុស្សរាប់ពាន់នាក់ ដើម្បីគាំទ្រប៉ាឡេស្ទីន។

អង់គ្លេស៖ ក្នុងក្រុងឡុងដ៍ អ្នកតវ៉ារាប់ពាន់នាក់ បានចូលរួមដើរក្បួនគាំទ្រប៉ាឡេស្ទីន កាលពីថ្ងៃសៅរ៍ ដោយនគរបាលក្រុងបានព្រមានក្រុមបាតុករថា ជនណាដែលត្រូវចាត់ទុកថារើសអើងជាតិសាសន៍ នឹងត្រូវបានឃាត់ខ្លួននៅឯកន្លែងជួបជុំ ។

ការព្រមព្រៀងរវាងអ៊ីស្រាអែល និងក្រុមហាម៉ាសអ៊ីស្លាមនិយមប៉ាឡេស្ទីន លើបទឈប់បាញ់រយៈពេល៤ថ្ងៃ បានឃើញការដោះលែងចំណាប់ថ្នូរអ៊ីស្រាអែលចំនួន២៤នាក់ កាលពីថ្ងៃសុក្រ ប៉ុន្ដែយុទ្ធនាការសាមគ្គីភាពប៉ាឡេស្ទីនមានមូលដ្ឋាននៅប្រទេសងង់គ្លេស ដែលបានរៀបចំការដើរក្បួនកាលពីថ្ងៃសៅរ៍ បាននិយាយថា នេះគឺគ្រាន់តែជាបទឈប់បាញ់រយៈពេលខ្លី ដោយផ្នែកប៉ុណ្ណោះសម្រាប់ប្រជាជនតំបន់ហ្កាហ្សា ។

មន្ត្រីនគរបាលជាង១.៥០០នាក់ នឹងត្រូវបានដាក់ពង្រាយឲ្យបំពេញភារកិច្ចនៅចុងសប្ដាហ៍ដើម្បីទប់ទល់នឹងការតវ៉ានេះ បើតាមនគរបាលបានលើកឡើង កាលពីថ្ងៃសុក្រ ៕