ការទិញលក់ក្រុមហ៊ុន បន្ទះឈីបអ៊ីស្រាអ៊ែលក្នុងកុងត្រា តម្លៃ៥,៤ពាន់លានដុល្លារ របស់ Intel កំពុងជួបបញ្ហា

អ៊ីស្រាអ៊ែល ៖ នាថ្ងៃទី19 ខែសីហា ឆ្នាំ2023 ទាក់ទិនជាមួយកិច្ចព្រមព្រៀងទិញ លក់ក្រុមហ៊ុន បន្ទះឈីបអ៊ីស្រាអ៊ែល Tower Semiconductor Ltd ទៅឲ្យក្រុមហ៊ុនអាមេរិក Intel បានធ្វើឡើងរួចរាល់ហើយ តែមួយរយៈមកហើយកំពុងជួបបញ្ហា យោងតាមការចេញផ្សាយ របស់ RT ។

តាមប្រភពដដែល បានសរសេរថា កុងត្រាដែលបានចុះហត្ថលេខា តាំងតែពិខែកុម្ភៈឆ្នាំ២០២២ នឹងត្រូវរងចាំការសម្រេចចិត្ត និងអនុញ្ញាតិបីសំណាក់ ប្រទេសចិនជាមុនសិន ។

ក្រុមហ៊ុនអាមេរិក Intel គ្មានផែនការក្នុងការ បន្តការចរចាទៀតឡើយ ហើយទំនងជានឹងសុខចិត្តបោះបង់ លុយប្រមាណជា៣៥៣លានដុល្លារ ក្នុងការចាកចេញ ពីកិច្ចព្រមព្រៀងនេះផង នេះបើយោងតាមការចេញផ្សាយរបស់កាសែត ក្នុងស្រុកអ៊ីស្រាអ៊ែល Jerusalem post។

គួរឲ្យដឹងដែរថា សកម្មភាពចុងក្រោយនេះគឺ ជាការបង្ហាញនូវភាព តានតឹងកាន់តែខ្លាំង រវាងអាមេរិកនិងចិនជុំវិញ បញ្ហាជួញដូរបន្ទះឈីប និងកម្មសិទ្ធបញ្ញាព្រមទាំង បញ្ហាដោយកោះតៃវ៉ាន់ផង ៕