ប្រមុខដឹកនាំអ៊ុយក្រែន៖ ពួកយើងមានផែនការ រួចហើយសម្រាប់បន្តប្រតិបត្តិការវាយបក
អ៊ុយក្រែន៖ លោក Vladimir Zelensky ប្រធានាធិបតីអ៊ុយក្រែន បានបញ្ជាក់ថា លោកបានត្រៀមរៀបចំផែនការជាយុទ្ធសាស្ត្ររួចហើយ ក្នុងការបន្តប្រតិបត្តិការវាយបករបស់អ៊ុយក្រែន ដើម្បីប្រឆាំងទៅនឹងប្រទេសរុស្សីហើយនឹងត្រៀមខ្លួន ដើម្បីទទួលបានជ័យជំនះក្នុងពេលឆាប់ៗនេះ ។
សេចក្តីថ្លែងការណ៍នេះ បានធ្វើឡើងកាលពីថ្ងៃពុធម្សិលម្ងៃ នៅក្នុងពេលដែលលោកកំពុងផ្តល់បទសំភាសជាមួយនឹងក្រុមអ្នកកាសែតរបស់រ៉យទ័រតាមរយៈវិដេអូ នេះយោងតាមការចេញផ្សាយរបស់ RTបានឲ្យដឹង ។
លោក Zelensky បានថ្លែងបែបនេះថា៖ យើងមានផែនការរួចទៅហើយ យើងមានមូលដ្ឋាននៅតាមទីក្រុង នឹងផ្លូវដែលរឹងមាំដែលយើងនឹងធ្វើដំណើរទៅ ។ ខ្ញុំមិនអាចចែករំលែកព័ត៌មានលម្អិតទាំងអស់ ប៉ុន្តែយើងមានជំហានយឺតៗឆ្ពោះទៅភាគខាងត្បូង ហើយយើងក៏មានជំហាននៅខាងកើតដែរ ។
ការលើកឡើងរបស់លោក Zelensky គឺមានភាពផ្ទុយនឹងការវាយតម្លៃរបស់ឧត្តមសេនីយ៍កំពូលរបស់លោក Valery Zaluzhny ក្នុងបទសម្ភាសជាមួយនឹង The Economist ដែលបានចេញផ្សាយកាលពីសប្តាហ៍មុន ទោះបីជាយ៉ាងណាក្តីគេមើលឃើញ ។
មេបញ្ជាការយោធាកំពូលរូបនេះបានអះអាងថា ជម្លោះរវាងទីក្រុងមូស្គូ និងទីក្រុងគៀវ បានឈានដល់ភាពជាប់គាំងតាមបែបសង្គ្រាមលោកទី១ WWI ដោយរុស្ស៊ីមានឱកាសប្រសើរជាងមុន តាមរយៈចំនួនប្រជាជន និងធនធានដ៏ច្រើនសន្ធឹកសន្ធាប់របស់ពួកគេ ៕