អាល្លឺម៉ង់៖ ដាក់ពង្រាយក្រុមកងវរសេនាតូច រថក្រោះមួយចំនួន ទៅព្រំដែនក្បែររុស្ស៊ី

បរទេស៖ ក្រសួងការពារជាតិអាល្លឺម៉ង់ បានប្រកាសថា ខ្លួននឹងដាក់ពង្រាយកងវរសេនាតូច រថក្រោះចំនួនពីរទៅកាន់ប្រទេសលីទុយអានី ហើយបង្កើតវាទៅជាកងពលតូចថ្មីមួយ រួមជាមួយនឹងក្រុមសមរភូមិ Forward Presence រួមរបស់ណាតូ ដែលឈរជើងរួចហើយ នៅក្នុងប្រទេសបាល់ទិក នេះយោងតាមការចេញផ្សាយរបស់ RT កាលពីថ្ងៃម្សិលម្ងៃ ។

អង្គភាពថ្មីនេះ ដែលត្រូវបានគេរំពឹងថានឹងចូលជាធរមាន នៅក្នុងឆ្នាំ២០២៥ នឹងមានបុគ្គលិកយោធាសរុបចំនួន៤៨០០នាក់ ។ នៅក្នុងសេចក្តីថ្លែងការណ៍មួយ កាលពីថ្ងៃអង្គារក្រសួងបាននិយាយថា កងវរសេនាតូចរថក្រោះ២០៣និងកងវរសេនាតូចថ្មើរជើង មេកានិច១២២នឹងត្រូវដាក់ពង្រាយទៅកាន់ប្រទេសលីទុយអានី” ។

អង្គភាពរថក្រោះថ្មី ដែលជាលទ្ធផលនឹងត្រូវបានដាក់ឈ្មោះថា Tank Brigade ៤២ ហើយកងទ័ពបន្ថែមនឹងចូលរួមជាមួយអង្គភាពណាតូ ដែលដឹកនាំដោយអាល្លឺម៉ង់នឹងត្រឡប់មកវិញ បន្ទាប់ពីហេដ្ឋារចនាសម្ព័ន្ធចាំបាច់ទាំងអស់ត្រូវបានដាក់ឱ្យដំណើរការ ។

សូមបញ្ជាក់ឲ្យដឹងដែរថា បច្ចុប្បន្ននេះមានកងទ័ពប្រហែល១៧០០នាក់ មកពីប្រទេសសមាជិកណាតូចំនួន៦ ដែលឈរជើង នៅក្នុងតំបន់ប្រទេសបាល់ទិកហើយប្រមាណជាពាក់កណ្តាលនៃពួកគេគឺជាសមាជិកកងកម្លាំងយោធារបស់ប្រទេសអាល្លឺម៉ង់ ៕