សហរដ្ឋអាមេរិក៖ ចិនបានពង្រីក ឃ្លាំងអាវុធនុយក្លេអ៊ែរយ៉ាងខ្លាំងក្លា

បរទេស៖ ប្រទេសចិន បានពង្រីកឃ្លាំងអាវុធនុយក្លេអ៊ែររបស់ខ្លួន យ៉ាងខ្លាំងសម្បើមកាលពីឆ្នាំមុន ហើយឥឡូវនេះមានក្បាលគ្រាប់ប្រតិបត្តិការប្រហែល៥០០ គ្រាប់ក្នុងដៃ បើតាមការលើកឡើងរបស់សហរដ្ឋអាមេរិក ។

របាយការណ៍ប្រចាំឆ្នាំដែលចេញផ្សាយដោយមន្ទីរបញ្ចកោន ក៏បាននិយាយផងដែរថាទីក្រុងប៉េកាំងសង្ឃឹមថានឹងបង្កើនឃ្លាំងអាវុធរបស់ខ្លួនទ្វេដងដល់ជាង ១.០០០ ក្បាលគ្រាប់នៅឆ្នាំ ២០៣០ ។ ប៉ុន្តែបានបញ្ជាក់ថា ចិននៅតែប្តេជ្ញាចិត្ត ចំពោះគោលនយោបាយ មិនវាយប្រហារគេមុន ។

ស្របរបាយការណ៍បាននិយាយថា កំណើនលើសពីការព្យាករណ៍ ឃ្លាំងអាវុធរបស់ចិននៅតែស្ថិតក្នុងកម្រិតទាបជាងប្រទេសរុស្ស៊ី និងសហរដ្ឋអាមេរិក ។

យោងតាមវិទ្យាស្ថានស្រាវជ្រាវ សន្តិភាពអន្តរជាតិទីក្រុងស្តុកខំ (Stockholm) ប្រទេសរុស្ស៊ី មានក្បាលគ្រាប់នុយក្លេអ៊ែរចំនួន ៥. ៨៨៩ គ្រាប់ ចំណែកសហរដ្ឋអាមេរិកវិញ មានប្រហែល ៥.២៤៤ក្បាល ។ កាលពីឆ្នាំ២០២១ ក្រសួងការពារជាតិ អាមេរិក បានប៉ាន់ប្រមាណថាប្រទេសចិនមានក្បាលគ្រាប់ប្រហែល ៤០០ គ្រាប់ ប៉ុណ្ណោះ ។

មន្ត្រីការពារជាតិអាមេរិកជាន់ខ្ពស់ម្នាក់ បានប្រាប់ក្រុមអ្នកយកព័ត៌មាន កាលពីថ្ងៃព្រហស្បតិ៍ថា យើងមិនព្យាយាមស្នើឱ្យមានការចាកចេញដ៏ធំបំផុតពីកន្លែង ដែលប្រទេសចិនសម្លឹងឆ្ពោះទៅមុខនោះទេ ប៉ុន្តែយើងកំពុងបញ្ជាក់ថា ពួកគេកំពុងដំណើរការអភិវឌ្ឍន៍កាន់តែខ្លាំងខ្លាជាងមុន ដោយបានបន្ថែមថាបញ្ហានេះ បង្កការព្រួយបារម្ភយ៉ាងខ្លាំងសម្រាប់សហរដ្ឋអាមេរិក ។

ប្រទេសចិននឹងធ្វើជា បង្កើនសមត្ថភាពយោធាឲ្យដល់លំដាប់ពិភពលោក នៅឆ្នាំ២០៤៩ ។ ចាប់តាំងពីលោកឡើងកាន់អំណាចក្នុងឆ្នាំ២០១២ លោកបានព្យាយាមធ្វើទំនើបកម្មកងកម្លាំងប្រដាប់អាវុធរបស់ប្រទេសនេះ យោងតាមលោកប្រធានាធិបតី Xi Jinping បានប្រកាស៕