ការ​អភិវឌ្ឍបច្ចេកវិទ្យា​ AI ​នៅឆ្នាំ​២០២៤​ រុស្ស៊ី​​ នឹង​ចំណាយ ​៥៤ ​លាន​ដុល្លារ

រុស្ស៊ី៖ ដោយ​ដក​ខ្លួន​ពុំរួច ប្រទេសរុស្ស៊ី បាន​កំពុង​ជាប់​ដៃ​ក្នុង​សង្គ្រាម​ជាមួយ​អ៊ុយក្រែន​ ​បាន​អះអាងថា ខ្លួន​នឹង​វិភាជ​ថវិកា​សហព័ន្ធ​ជាង ​៥៤​​ លាន​ដុល្លារ ​​សម្រាប់​ការ​អភិវឌ្ឍន៍​បច្ចេកវិទ្យា​បញ្ញា​សិប្បនិមិ្មត​នៅឆ្នាំ​២០២៤​ ខាងមុខ​នេះ។

​នាយករដ្ឋមន្ត្រី​រុស្ស៊ី លោក Mikhail Mishustin បាន​និយាយ​កាលពី​ថ្ងៃ​អង្គា​រថា អាជ្ញាធរ​រុស្ស៊ី​បាន​បែង ចែក​ថវិកា​ប្រហែល ​៥២​ ពាន់​លាន​រូ​ប្លិ៍​ (៥៤,០៤ លាន​ដុល្លារ) នៅក្នុង​ថវិកា​សហព័ន្ធ​សម្រាប់​ឆ្នាំក្រោយ​សម្រាប់​ការអភិវឌ្ឍន៍​បច្ចេកវិទ្យា​បញ្ញា​សិប្បនិម្មិត នេះបើយោង​តាម​ការផ្សាយ​របស់​ទីភ្នាក់​ងារ​ព័ត៌មាន​រដ្ឋ TASS។

លោកនាយក​រដ្ឋមន្ត្រីរុស្ស៊ី ត្រូវបានTASS ​បាន​ដក​ស្រង់​សម្តី ដូច្នេះថា៖«សរុប​ចំនួន 5.2 ពាន់​លាន​រូប្លិ៍ ​​ត្រូវបាន​បែងចែក​ពី​មូលនិធិ​សហព័ន្ធ​សម្រាប់​ការអភិវឌ្ឍ​បញ្ញា​សិប្បនិម្មិត​សម្រាប់​ឆ្នាំក្រោយ»។

លោក Mishustin ក៏បាន​បន្ថែមថា ទីផ្សារ​បច្ចេកវិទ្យា​បញ្ញា​សិប្ប​និមិត្ត​របស់​រុស្ស៊ី បាន​កើនឡើង ១៨ ភាគក្នុង​ឆ្នាំ ២០២២​ ដោយ​ឈានដល់​ជិត ៦៥០ ពាន់​លានរូប្លិ៍ (៦,៧៤ ​ពាន់​លាន​ដុល្លារ​)៕​