ចិនមានសមត្ថភាពផលិតកប៉ាល់ អស្ចារ្យជាងអាមេរិក ២០០ដង
សហរដ្ឋអាមេរិក៖ ការបែកធ្លាយតាមអ៊ីនធឺណិត ឯកសាររបស់ការិយាល័យចារកម្មកងទ័ពជើងទឹកសហរដ្ឋអាមេរិក (ONI) បង្ហាញពីក្តីបារម្ភជុំវិញកងទ័ពជើងទឹកចិន ដែលកំពុងពង្រីកខ្លួនយ៉ាងឆាប់រហ័ស និងសមត្ថភាពដែលកំពុងបន្តរបស់ប្រទេសនេះ នៃការផលិតនាវាក្នុងអត្រាលឿនជាងសហរដ្ឋអាមេរិករាប់រយដង។
អ្នកស្រាវជ្រាវជាន់ខ្ពស់ផ្នែកសង្គ្រាមកងទ័ពជើងទឹក និងបច្ចេកវិទ្យាទំនើបក្នុងមជ្ឈមណ្ឌលការពារជាតិ លោក Brent Sadler នៅមូលនិធិបេតិកភណ្ឌ របស់សហរដ្ឋអាមេរិក បានប្រាប់សារព័ត៌មាន Fox News ថា «ជនជាតិចិនមើលឃើញទសវត្សរ៍នេះថា ជាឱកាសយុទ្ធសាស្ត្រ ហើយខ្ញុំមើលមិនឃើញលទ្ធភាពណាមួយ ដែលយើងអាចចាប់ផ្តើមបិទគម្លាតដ៏ធំនេះជាមួយនឹងចិនបាននោះទេ»។
លោក Sadler បានរអត្ថាធិប្បាយថា ការកើតឡើងបន្ទាប់ពីរូបភាពនៃឯកសាររបស់ការិយាល័យចារកម្មកងទ័ពជើងទឹក សម្រាប់ឯកសារទូទៅ ត្រូវបានផ្សព្វផ្សាយយ៉ាងទូលំទូលាយក្នុងអ៊ីនធឺណិត។ រូបភាពដែលត្រូវបានលើកឡើងក្នុងរបាយការណ៍តំបន់សង្គ្រាមនោះ បង្ហាញពីសមត្ថភាពផលិតកប៉ាល់ដ៏ធំរបស់ចិន បើធៀបនឹងសហរដ្ឋអាមេរិក។
យោងតាមឯកសារនោះបង្ហាញថា ទីតាំងផលិតកប៉ាល់របស់ចិនមានសមត្ថភាពផ្ទុកប្រហែល២៣,២លានតោន បើធៀបនឹងតួលេខតិចជាង១០០.០០០តោនប៉ុណ្ណោះរបស់សហរដ្ឋអាមេរិក ដែលធ្វើអោយសមត្ថភាពផលិតកប៉ាល់របស់ចិន មានកម្រិត២៣២ដងច្រើនជាងសហរដ្ឋអាមេរិកផងដែរ៕