សមត្ថកិច្ចឃាត់ខ្លួន ប្រុសស្រីចំនួន៨នាក់ បន្ទាប់ពីពួកគេញៀនល្បែងស៊ីសង លែងខ្វល់បាយទឹក

ព្រះវិហារ៖ សមត្ថកិច្ចនគរបាលការិយាល័យព្រហ្មទណ្ឌកំរិតស្រាល នៃស្នងការនគរបាលខេត្តព្រះវិហារ បានធ្វើការឃាត់ខ្លួន មនុស្សប្រុសស្រីចំនួន៨នាក់ បន្ទាប់ពីពួកគេញៀនល្បែងស៊ីសងដោយខុសច្បាប់។ ប្រតិបត្តិការនេះបានធ្វើឡើងកាលពីថ្ងៃទី១២ ខែកញ្ញា ឆ្នាំ២០២៣ នៅចំណុចភូមិរំដេង ឃុំរមទម ស្រុករវៀង ខេត្តព្រះវិហារ។

នាយការិយាយលយ័នគរបាលព្រហ្មទណ្ឌកម្រិតស្រាល នៃស្នងការនគរបាលខេត្តព្រះវិហារ លោកវរៈសេនីយ៍ឯក គង់ គារ បានប្រាបឱ្យដឹងថា កម្លាំងសមត្ថកិច្ចរបស់លោក បានចុះឆ្មក់ចាប់អ្នកញៀនល្បែងចំនួន៨នាក់ ដោយមានការសម្របសម្រួលនិតិវិធី របស់លោក ស្រេង វុទ្ឋា ព្រះរាជអាជ្ញារងអមសាលាដំបូងខេត្តព្រះវិហារ បានឃាត់ខ្លួនមនុស្ស ប្រុស ស្រី ចំនួន៨នាក់ យកមកស្នងការនគរបាលខេត្តធ្វើការសាកសួរ ក្នុងនោះមាន ជនជាតិចិន ចំនួន៤នាក់ ដោយមានម្ចាស់ផ្ទះឈ្មោះ ស៊ីម សីដា នៅភូមិរំដេង ឃុំរមទម ស្រុករវៀង ខេត្តព្រះវិហារ ផងដែរ។

វត្ថុតាងបង្ក្រាបបានបៀរចំនួន៦ហ៊ូ ទូរសព្ទ័ដៃចំនួន៦គ្រឿង ថវិកាចំនួន ៣ ០៨១ ០០០រៀល ចំនែកឯ បុរសស្រ្តីទាំង៨នាក់ បានបញ្ជូនទៅតុលាការចាត់ការទៅតាមច្បាប់៕