កាឡាក់ស៊ីណាវ៉ាត្រា៖ គូម៉ា ចូលរួមដោយប្រើបេះដូង និងនាំចម្រៀងខ្មែរទៅកាន់ពិភពលោក
Galaxy Shinawatra: Kuma joins with heart and brings Khmer songs to the world;
តារាចម្រៀង គូម៉ា ត្រូវបានប្រកាសចូលជាសមាជិកថ្មីម្នាក់ទៀតជាផ្លូវការ ក្នុងគ្រួសារផលិតកម្ម កាឡាក់ស៊ីណាវ៉ាត្រា នៅថ្ងៃទី១ ខែកញ្ញា ឆ្នាំ២០២៣ ។ តារាចម្រៀងប្រុសសំឡេងធ្ងន់រូបនេះបានបញ្ជាក់ថា ការសម្រេចចិត្តរបស់លោក គឺប្រើបេះដូង និងមានគោលជំហរនាំចម្រៀងខ្មែរទៅកាន់ពិភពលោក ដែលត្រូវគ្នាជាមួយនឹងឆន្ទៈរួមរបស់ផលិតកម្ម។
ជាជំហានដំបូងនេះ លោក គូម៉ា បានចុះកិច្ចកុងត្រាជាមួយផលិតកម្មមិនតិចជាងក្រោម ៥ ឆ្នាំនោះទេ ហើយលោកក៏បានបញ្ជាក់ថា នឹងចាប់ដៃជាមួយផលិតកម្មឱ្យបានយូរអង្វែងផងដែរ។ ដើម្បីជាការស្វាគមន៍ និងបើកទំព័រថ្មីក្នុងផលិតកម្ម កាឡាក់ស៊ីណាវ៉ាត្រា លោក គូម៉ា ក៏បានចំណងដៃបទចម្រៀងមួយបទដែលមានចំណងជើងថា «មនុស្សប្រុសថោកទាប» មានបញ្ចេញផ្សាយនៅលើយូធូប កាឡាក់ស៊ីណាវ៉ាត្រា ដែលនេះគឺជាស្នាដៃ និពន្ធ និងតាក់តែងទំនុកផ្ទាល់ដោយលោក គូម៉ា ។
ជាមួយគ្នានេះលោកសន្យាថា លោកនឹងស្នាដៃផ្ទាល់ខ្លួនជាច្រើនបទទៀតមកបម្រើអារម្មណ៍មហាជន ជាពិសេសនាឱកាសភ្ជុំបិណ្ឌខាងមុខនេះ៕