«យានអវកាសមហាសម្ងាត់» ចិនបាញ់បង្ហោះ ឡើងទៅកាន់គន្លងតារាវិថី។
យន្តហោះអវកាសសម្រាប់ការពិសោធរបស់ប្រទេសចិន ដឹកដោយរ៉ុក្កែត Long March 2F ពីមជ្ឈមណ្ឌលបាញ់បង្ហោះផ្កាយរណប Jiuquan កាលពីថ្ងៃទី១៤ ខែធ្នូ ដើម្បីធ្វើការពិសោធវិទ្យាសាស្ត្រ។
SpaceNews ក្រៅពីបេសកកម្មពិសោធន៍ផ្នែកវិទ្យាសាស្ត្រ យន្តហោះអវកាសថ្មីរបស់ចិន ក៏ផ្ដល់ការគាំទ្រផ្នែកបច្ចេកទេស ដើម្បីប្រើប្រាស់លម្ហក្នុងយាន សម្រាប់គោលដៅសន្តិភាពផងដែរ។
មកដល់ពេលនេះ ព័ត៌មានដែលទាក់ទងនឹងយន្តហោះអវកាសអាចប្រើប្រាស់ឡើងវិញរបស់ចិន ដែលមានរហ័សនាមថា នាគទេព ត្រូវបានគេផ្សាយយ៉ាងតិចតួចបំផុត ។ យានអវកាសនេះទំនងជាត្រូវបានប្រើប្រាស់ដើម្បីធ្វើការសាកល្បងឧបករណ៍ថ្មី និងដំណើរការនៅលើគន្លងតារាវិថី។
យោងតាមអ្នកវិទ្យាសាស្ត្រនៅសាកលវិទ្យាល័យ Harvard យាននេះមានទម្ងន់ប្រហែលពី 5 ដល់ 8 តោន និងប្រវែង 10 ម៉ែត្រ។ យាន Long March 2F ត្រូវបានបាញ់ឡើងទៅតាមរ៉ុក្កែត ហើយចុះចតដូចយន្តហោះធម្មតា បន្ទាប់ពីបានបំពេញបេសកកម្ម។
ជើងហោះហើរដំបូងរបស់យានអវកាសនាគទេពរបស់ចិន អូសបន្លាយពេលពីរថ្ងៃ។ ជើងហោះហើរទីពីររបស់វានឹងអូសបន្លាយពេលប្រហែល 9ខែ ក្នុងនោះវានឹងបញ្ចេញឧបករណ៍មួយ ដែលមិនទាន់ស្គាល់អត្តសញ្ញាណ ទៅក្នុងគន្លងគោចរ។ ឧបករណ៍នេះអាចជាផ្កាយរណបខ្នាតតូច ដែលត្រូវបានផលិតឡើងដើម្បីតាមដាននាគទេព ឬម៉ូឌុលសេវាកម្មដែលលែងមានភាពចាំបាច់ ៕